टेस्लाचे सीईओ एलन मस्क यांनी ट्विटर वापरकर्त्यांना एक महत्वाचा प्रश्न विचारला आहे. या प्रश्नाचे उत्तर देण्यासाठी मस्कने ट्विटरवर युजर्सना मत देण्यास सांगितले. या पोलमध्ये मस्क यांनी युजर्सना ट्विटरवर एडिट बटणाचा पर्याय हवा आहे की नाही हे विचारले. दरम्यान नुकते ट्विटरमधील 9.2% स्टेक खरेदी केल्यानंतर मस्कने युजर्सना हा प्रश्न विचारला आहे.

मस्कच्या प्रश्नाला उत्तर देताना युजर्सने बहुतेक वापरकर्त्यांनी सांगितले की, त्यांना ट्विटरमध्ये एडिट फीचर हवे आहे. ट्विटरचे सीईओ पराग अग्रवाल यांनीही मस्कच्या या पोलवर प्रतिक्रिया दिली आहे. परागने युजर्सना सांगितले की, पोलचा निकाल नंतर खूप महत्त्वाचा ठरेल, त्यामुळे वापरकर्त्यांने काळजीपूर्वक मतदान करा.

ट्विटर एडिट फीचर देणार

1 एप्रिल रोजी ट्विटरने आपल्या अधिकृत अकाऊंटवरून केलेल्या ट्विटमध्ये सांगितले होते की, कंपनी सध्या 'एडिट' फीचरवर काम करत आहे. याला प्रत्युत्तर म्हणून काही युजर्सनी ट्विट करून विचारले की हा विनोद आहे का? उत्तरात, ट्विटरने म्हटले आहे की, "ते याची कंन्फर्म किंवा नाकारू शकत नाही, परंतु आम्ही ते एडीट करू शकतो."

ट्विटरचे शेअर्स 28% वाढले

एलन मस्क यांनी Twitter मध्ये 9.2% स्टेक घेतल्याचे 13G फाइलिंगमध्ये उघड झाल्यानंतर प्री-मार्केट ट्रेडिंगमध्ये ट्विटरचे शेअर्स 28% वाढले. शुक्रवारी बाजार बंद होईपर्यंत, मस्कची ट्विटरमध्ये सुमारे $2.89 अब्ज शेअर्स होती. यूएस सिक्युरिटीज अँड एक्सचेंज कमिशननुसार, मस्कने ट्विटरचे 73.5 दशलक्ष शेअर्स खरेदी केले आहेत.