Elon Musk On Substack: अब्जाधीश इलॉन मस्क यांच्याकडे सध्या जवळपास ६ कंपन्यांची मालकी आहे. मायक्रो ब्लॉगिंग वेबसाइट ट्विटरला तब्बल ४४ बिलियन डॉलर्स खर्चून खरेदी केल्यापासून ते सातत्याने चर्चेत आहेत. ट्विटरला खरेदी केल्यापासून प्लॅटफॉर्मवर अनेक बदल देखील केले आहेत. आता मस्क आणखी एका कंपनीला खरेदी करण्याची शक्यता आहे. याबाबत त्यांनी स्वतः ट्विटर करत माहिती दिली आहे.

Wall Street Silver नावाच्या ट्विटर यूजरला रिप्लाय देत मस्क यांनी Substack ला खरेदी करण्याच्या आयडियावर नक्कीच विचार करतील, असे म्हटले आहे. Substack हा अमेरिकेतील ऑनलाइन प्लॅटफॉर्म असून, याद्वारे यूजर्सला लेखन, पॉडकास्ट पब्लिश करण्याची सुविधा मिळते. तसेच, डिझाइन, पेमेंटची सुविधा देखील यावर उपलब्ध आहे. वर्ष २०१७ साली या प्लॅटफॉर्मची सुरुवात Kik Messenger आणि Jairaj Sethi यांनी केली आहे.

Wall Street Silver या यूजरvs ट्विटर करत म्हटले की, जर Twitter आणि Substack हे दोन प्लॅटफॉर्म्स एकत्र आल्यास मोठमोठ्या कॉर्पोरेट मीडियासाठी मोठे आवाहन निर्माण होऊ शकते. यावर उत्तर देताना मस्क यांनी यावर विचार करण्यासाठी तयार असल्याचे म्हटले आहे.

दरम्यान, मस्क यांच्याकडे सध्या ६ कंपन्यांची मालकी आहे. यामध्ये टेस्ला, स्पेसएक्स, द बोरिंग कंपनी, न्यूरोलिंक, ट्विटर आणि ओपनएआयचा समावेश आहे. मस्क यांच्या OpenAI आणि Twitter या कंपन्या सध्या विशेष चर्चेत आहेत. मस्क यांनी काही दिवसांपूर्वीच ट्विटरला खरेदी केले आहे. कंपनीला खरेदी केल्यानंतर त्यांनी मोठ्या प्रमाणात कर्मचाऱ्यांची कपात देखील केली आहे.