जगातील सर्वात श्रीमंत व्यक्तींपैकी एक असणारे इलॉन मस्क हे नेहमीच काही ना काही कारणांनी चर्चेत असतात. काही दिवसांपूर्वी त्यांनी विकिपीडिया कंपनीला एक विचित्र ऑफर दिली होती. कंपनीचं नाव डिकीपीडिया केल्यास मी तुम्हाला 1 बिलियन डॉलर्स देईल असं त्यांनी म्हटलं होतं. आता अशीच ऑफर त्यांनी फेसबुकला देखील दिली आहे.
दि बेबीलॉन बी नावाच्या वेबसाईटने याबाबत माहिती दिली आहे. या वेबसाईटची एक्स पोस्ट स्वतः इलॉन मस्कनेच शेअर केली आहे. यामध्ये दिलेल्या माहितीनुसार, फेसबुकचं नाव बदलून 'फेसबूब' ठेवलं, तर आपण मार्क झुकरबर्गला 1 बिलियन डॉलर्स देऊ; असं इलॉन मस्क म्हणाले आहेत.
कंपनीचं नाव बदलल्यानंतर 'Faceboob'वर लॉग-इन करताना लोकांना भरपूर आनंद होईल, असंही मस्क म्हणाले. तसंच, "नवीन वेबसाईटसाठी मी आधीपासून खूप विचार केला आहे; माझ्या मते तरी माझ्या या संकल्पना अतिशय चांगल्या आहेत" असंही ते म्हणाले. (Tech News)
मेटाचे सीईओ मार्क झुकरबर्ग आणि एक्स (ट्विटर) कंपनीचे मालक इलॉन मस्क यांच्यामधील वाद जगजाहीर आहे. काही दिवसांपूर्वीच मार्क झुकरबर्गने नवीन थ्रेड्स अ‍ॅप लाँच केलं होतं. यानंतर आपल्या अ‍ॅपची कॉपी केल्याचा आरोप मस्कने मार्कवर केला होता. याच दरम्यान दोघांमधील केज फाईटचा मुद्दाही गाजत होता. मात्र, त्याबाबत पुढे कोणतीही अपडेट आली नाही.
विकिपीडिया कंपनीला देखील यापूर्वी इलॉन मस्क यांनी अशीच ऑफर दिली होती. या वेबसाईटचं नाव कमीत कमी एक वर्षापर्यंत Dickipedia ठेवल्यास, आपण त्यांना 1 बिलियन डॉलर्स देऊ असं मस्क म्हणाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.