Apple-OpenAI Collaboration : ॲपलच्या WWDC 2024 मध्ये झालेल्या घोषणांमध्ये सर्वाधिक चर्चा झाली ती IOS 18 मध्ये आर्टिफिशियल इंटेलिजेंसचा वापर. यासाठी एप्पलने OpenAI सोबत करार केला आहे. पण या करारामुळे इलॉन मस्क, टेस्लाचे CEO, खूप संतापले आहेत.
मस्क यांनी आपल्या X (ट्विटर) वरून ॲपल आणि OpenAIच्या पार्टनरशिपवर तीव्र नाराजी व्यक्त केली आहे. त्यांनी पोस्ट केले की, "OpenAI जर iPhone च्या OS मध्ये आला तर माझ्या कंपनीच्या आवारात या डिव्‍हाइसेस वापरण्यास परवानगी मिळणार नाही.
"इतकेच नाही तर त्यांनी असेही म्हटले आहे की, "कार्यालयाच्या इमारतीत कोणतेही Apple डिव्‍हाइस असणार नाहीत. बाहेरून येणाऱ्यांनाही त्यांची Apple डिव्‍हाइसेस बाहेर ठेवावी लागतील आणि त्यांना एका विशेष बॉक्समध्ये ठेवले जाईल."
इलॉन मस्क OpenAI च्या चॅटबॉटला Spyware (गुप्तहेर सेवा) मानतात. ते म्हणतात, "ॲपल स्वतःची AI बनवण्याइतके सक्षम नाहीत पण OpenAI तुमची सुरक्षा आणि प्रायव्हसी राखेल यावर विश्वास करतात हे खरंच विचित्र आहे.तुमचा डेटा OpenAI कडे गेला की काय होतंय ते ॲपलला देखील माहिती नाही. ते तुमची फसवणूक करत आहेत."
ॲपलने वापरकर्तांना 'ऑप्ट-इन' (नोंदणी) पर्याय देण्याचे जाहीर केले आहे पण मस्कनी यावरही टीका केली. या सर्व वादाविवादांच्या दरम्यान इलॉन मस्कने त्यांच्या नवीन फोन - Grok फोनबद्दल इशारा दिला आहे. Grok हा xAI द्वारे विकसित केलेला कृत्रिम बुद्धिमत्ता चॅटबॉट आहे. हा फोन लवकरच बाजारात येऊ शकतो असे संकेत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.