X Update: इलॉन मस्कने एक्स पुर्वीचे ट्विटर विकत घेतल्यापासून त्यामध्ये अनेक बदल करण्यात आले आहेत. जेव्हापासून इलॉन मस्क X (पूर्वीचे ट्विटर) चे मालक बनले, तेव्हापासून त्याचे संपूर्ण लक्ष X मधून पैसे कमविण्यावर केंद्रित आहे. प्रथम इलॉन मस्कने X च्या ब्लू टिक घेण्यासाठी पैसे भरावे लागणार असल्याचे जाहीर केले. ब्लू टिक याआधी मोफत उपलब्ध होती आणि त्यासाठी काही अटी होत्या. इलॉन मस्कने मालक झाल्यानंतर, ब्लू टिकसाठी पैसे द्यावे लागणार असल्याचे सांगितले.

त्यानंतर आता इलॉन मस्कने एक्सच्या नवीन वापरकर्त्यांसाठी एक मोठा प्लॅन आखला आहे. इलॉन मस्क यानी म्हटले आहे की, X वर येणाऱ्या नवीन वापरकर्त्यांना पोस्ट करण्यासाठी पैसे द्यावे लागतील आणि ती रक्कम नाममात्र असेल, त्यांनी किती पैसे द्यावे लागणार हे अद्याप स्पष्टपणे सांगितले नाही.

इलॉन मस्कचा विश्वास आहे की, पैसे द्यावे लागल्यानंतर बॉट्स आणि बनावट खात्यांवरील पोस्ट कमी होतील, कारण सध्या कोणीही नवीन खाते तयार करत आहे आणि कोणाच्याही बाजूने पोस्ट करत आहे. इलॉन मस्क यानी सांगितले आहे की बॉट्स थांबवण्याचा हा एकमेव मार्ग आहे.

X च्या नवीन धोरणानुसार X वर पोस्ट करणे, एखाद्याच्या पोस्ट लाइक करणे, पोस्ट बुकमार्क करणे आणि पोस्टला उत्तर देणे यासाठी तुम्हाला पैसे द्यावे लागतील. तुम्ही फक्त एक खाते मोफत फॉलो करू शकाल. एक्सवरील स्पॅम अकाऊंट आणि इतर गोष्टींना रोखण्यासाठी याबाबत दीर्घकाळापासून चाचपणी सुरू आहे.