Aadhaar Card Tips : आजच्या काळात आधार कार्ड आपल्याला सर्व कामांसाठी आवश्यक आहे. शाळेत प्रवेशापासून ते बँक अकाउंट उघडणे, नोकरी मिळवणे आणि घर भाड्याने घेणे यासारख्या सर्व कामांसाठी आधार कार्ड लागते. त्यामुळे आपल्या आधार कार्डची माहिती नेहमी अपडेट ठेवणे आवश्यक आहे.
आधार कार्डला आपला मोबाइल नंबर लिंक करणे ही एक महत्वाची गोष्ट आहे. कारण अनेक सरकारी योजना आणि सेवांचा लाभ घेण्यासाठी आधार कार्ड आणि मोबाइल नंबर लिंक असणे गरजेचे आहे. पण काहीवेळा आपण आपला मोबाइल नंबर बदलतो आणि जुना नंबर आपल्याला आठवत नाही. अशा वेळी काळजी करण्याची गरज नाही.
आधार कार्ड प्राधिकरणाने आपल्याला आपला आधार कार्डशी लिंक असलेला मोबाइल नंबर फोनवरूनच तपासण्याची सुविधा दिली आहे. यासाठी तुम्हाला आधार कार्ड प्राधिकरणाच्या वेबसाइटवर जाऊन काही सोप्या स्टेप्स फॉलो करावे लागतील.
वेबसाइटवर जाऊन 'माय आधार' (My Aadhar) सेक्शनवर क्लिक करा.
त्यानंतर 'आधार सेवा' आणि नंतर 'ईमेल/मोबाइल नंबर तपासा' या ऑप्शनवर क्लिक करा.
आता तुम्हाला तुमचा आधार नंबर, मोबाइल नंबर, कॅप्चा एंटर करावा लागेल.
जर तुम्ही दिलेला नंबर तुमच्या आधार कार्डशी लिंक असेल तर तुम्हाला एक मेसेज येईल की 'तुम्ही दिलेला मोबाइल नंबर आमच्या रेकॉर्ड्समध्ये सत्यापित आहे.'
पण जर नंबर लिंक नसेल तर तुम्हाला एक मेसेज येईल की 'तुम्ही दिलेला मोबाइल नंबर आमच्या रेकॉर्ड्समध्ये सापडला नाही.'
या सोप्या पद्धतीने तुम्ही तुमचा आधार कार्डशी लिंक असलेला मोबाइल नंबर शोधू शकता आणि तुमची माहिती अपडेट ठेवू शकता.
दरम्यान, सरकारने आधार कार्डच्या नियमांमध्ये एक मोठा बदल केला आहे. आता ज्या लोकांच्या बोटांचे ठसे उपलब्ध नाहीत ते लोक आइरिस स्कॅनच्या मदतीने आधार कार्डसाठी नोंदणी करू शकतात. हा निर्णय केरळमधील एका महिलेने बोटांच्या अभावामुळे आधार कार्डसाठी नोंदणी करू न शकल्यानंतर घेतला आहे. यामुळे लाखो लोकांना आधार कार्डसाठी नोंदणी करण्यात मदत होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.