Google Crome Vulnerability Hacking Alert : भारतीय संगणक आपत्कालीन प्रतिसाद संघ (CERT-In) ने Google Chrome वापरकर्त्यांसाठी एक गंभीर सुरक्षा इशारा जारी केला आहे. या सूचनेत Google च्या वेब ब्राउझरमधील एक महत्त्वाचा दोष उघड केला गेला आहे, ज्यामुळे हॅकर्स वापरकर्त्यांच्या खाजगी डेटावर प्रवेश मिळवू शकतात. हा दोष स्मार्टफोन आणि लॅपटॉप दोन्हीवर परिणाम करतो, ज्यामुळे फसवणूक आणि डेटा चोरीच्या शक्यता वाढल्या आहेत,असे वृत्त इंडिया टीव्ही न्यूजने दिले आहे.
CERT-In ने चेतावणी दिली आहे की हॅकर्स या टेक्निकल कमकुवतपणाचा फायदा घेऊन लॅपटॉप, स्मार्टफोन आणि संगणकांवर दूरस्थपणे प्रवेश करू शकतात. हॅकर्स वेगवेगळे कोड वापरून अॅप्स क्रॅश करू शकतात, ज्यामुळे वापरकर्त्यांना अडचणी येऊ शकतात आणि डेटा चोरी होण्याची शक्यता असते. याचा अर्थ तुमच्या डिव्हाइसवरील कोणतेही अॅप खराब होऊ शकते, ज्यामुळे तुम्हाला त्याचा वापर करण्यात अडचण येईल.
सुरक्षित राहण्याचे उपाय म्हणजे नेहमी ब्राउझर अपडेट करा.या दोषापासून संरक्षण करण्यासाठी, वापरकर्त्यांना त्यांचा Google Chrome ब्राउझर अद्ययावत/अपडेट करण्याची शिफारस केली जात आहे. अद्ययावत कसे करावे याबद्दल आम्ही तुम्हाला सोप्या स्टेप्स सांगणार आहोत.
1. Google Play Store किंवा Apple App Store वर जा.
2. Google Chrome शोधा आणि उपलब्ध अपडेट तपासा.
3. अपडेट उपलब्ध असल्यास, तात्काळ डाउनलोड आणि इंस्टॉल करा.
4. अपडेटनंतर अॅप पुन्हा सुरू करा.
1. Google Chrome उघडा.
2. वरच्या उजव्या कोपर्यात तीन डॉट्सवर क्लिक करा आणि "Settings" मध्ये जा.
3. "About Chrome" वर क्लिक करून अद्यतने तपासा.
4. अपडेट उपलब्ध असल्यास, डाउनलोड आणि इंस्टॉल करा, नंतर ब्राउझर पुन्हा सुरू करा.
नवे अपडेट करून, वापरकर्ते त्यांचे डेटा सुरक्षित ठेवू शकतात आणि हॅकर्सना या दोषाचा फायदा घेण्यापासून रोखू शकतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.