Hero MotoCorp Price Hike: हीरो मोटोकॉर्प आपल्या ग्राहकांना मोठा झटका देण्याच्या तयारीत आहे. कंपनी १ डिसेंबर २०२२ पासून दुचाकी वाहनांच्या किंमतीत वाढ करणार आहे. कंपनी आपल्या बाईक आणि स्कूटरच्या किंमतीत १५०० रुपयांपर्यंत वाढ करणार आहे. वाढ झालेली किंमत ही मॉडेलनुसार वेगवेगळी असेल.

हेही वाचा: भारतीय उत्पादनांच्या खरेदीतली वाढ बनवेल देशाला आर्थिक महासत्ता...

त्वरित खरेदी करा दुचाकी

तुम्ही जर ३० नोव्हेंबरला दुचाकी खरेदी करत असाल तर जास्त किंमत द्यावी लागणार नाही. याआधी देखील भारतातील सर्वात मोठी दुचाकी निर्माता कंपनीने वाहनांच्या किंमतीत वाढ करत मोठा झटका दिला होता. कंपनीने नववर्षाच्याआधी गाड्यांच्या किंमतीत वाढ करत ग्राहकांना झटका दिला आहे. कंपनीने नवरात्रीच्याआधी देखील किंमतीत वाढ केली होती. ग्राहकांना कंपनीच्या गाड्या खरेदी करण्यासाठी १ हजार रुपये जास्त द्यावे लागत आहे.

हीरोने यावर्षी एप्रिल आणि त्याआधी जानेवारी महिन्यात गाड्यांची किंमत वाढवली होती. कंपनीने आपल्या गाड्यांच्या किंमतीत आतापर्यंत ३ ते ४ हजार रुपये वाढ केलीये.

किंमत वाढण्याचे हे आहे कारण

Hero MotoCorp चे मुख्य वित्तीय अधिकारी (सीएफओ) निरंजन गुप्ता यांनी किंमती वाढवण्याचे कारण सांगितले आहे. गुप्ता यांच्यानुसार, एकूण उत्पादन खर्च लक्षात घेता बाईक आणि स्कूटरच्या किंमती वाढवणे आमच्यासाठी अनिवार्य झाले होते.

ग्राहकांवर खर्चाचा बोजा पडू नये यासाठी वेगवेगळ्या वित्तीय सुविधा देखील देऊ. ग्राहकांचा अतिरिक्त खर्च कमी व्हावा यासाठी वेगवेगळे बचत कार्यक्रम देखील सुरू केले आहेत. आर्थिक वाढ ही मागणीच्या दृष्टीने अनुकूल असून, पुढील तिमाहीत मागणीत वृद्धी होण्याची देखील शक्यता आहे, असेही ते म्हणाले.