Activa Scooters : भारतीय स्कूटर मार्केटमध्ये गेल्या अनेक वर्षांपासून Honda Activa ची आघाडी कायम आहे. ही लोकप्रियता आणखी वाढवण्यासाठी Honda ने 2024 मध्ये Honda Activa 7G 2024 स्कूटर लाँच केली आहे. या नवीन स्कूटरमध्ये अत्याधुनिक फीचर्स आणि तांत्रिक सुधारणा आहेत, ज्यामुळे ते स्पर्धेतून वेगळे ठरत स्वतःची नवी ओळख बनवत आहे.जर तुम्ही पण एक स्कूटर खरेदी करायचा विचार करत असाल तर ही बातमी तुमच्यासाठीच आहे.
Honda Activa 7G 2024 ची डिझाईन पूर्वीच्या मॉडेल्सपेक्षा आणखी आकर्षक आणि आधुनिक आहे. रात्रीच्या वेळी चांगले दिसणारे LED हेडलाइट्स आणि डे-टाइम रनिंग लाइट्स (DRLs) त्याच्या पुढच्या बाजूला जोडण्यात आले आहेत. स्कूटरच्या बॉडी पॅनेलमध्ये देखील काही बदल करण्यात आले आहेत, ज्यामुळे ते आणखी जास्त एरोडायनामिक दिसते. यासोबतच नवीन रंगांच्या पर्यायांमुळे तरुणांमध्येही ते अधिक लोकप्रिय झाले आहे.
Activa 7G 2024 मध्ये BS6 फेस 2 मानकांचे पालन करणारे 110cc इंजिन आहे, जे इंधन खर्चाच्या बाबतीत आणखी जास्त मायबत्तेचे आहे. Honda चा दावा आहे की, ही स्कूटर आता पूर्वीच्या मॉडेलपेक्षा 10% जास्त मायलेज देते. इंजिनमध्ये सुधारणा झाल्यामुळे त्याची पिकअपही वाढली आहे, ज्यामुळे शहरातील रस्त्यांवरही ते सहज चालवता येते.
यावेळी Honda ने Activa 7G मध्ये अनेक स्मार्ट फीचर्स समाविष्ट केले आहेत. त्यात स्मार्ट की, LED डिजिटल डिस्प्ले आणि मोबाइल चार्जिंग पोर्टसारखे फीचर्स समाविष्ट आहेत. याशिवाय, इंधनचा वापर आणखी कमी करण्यासाठी स्कूटरमध्ये इको मोड देण्यात आला आहे. स्मार्ट की फीचरमुळे वापरण्याऱ्यांना आता स्कूटर लॉक किंवा अनलॉक करण्यासाठी किल्लीची गरज नाही.
सुरक्षेचा विचार करून, Activa 7G मध्ये कॉम्बी ब्रेकिंग सिस्टम (CBS) देण्यात आले आहे, जे स्कूटर त्वरित आणि सुरक्षितपणे थांबविण्यास मदत करते. याशिवाय, नवीन अँटी-थेफ्ट अलार्म आणि इंजिन इम्मोबिलायझरसारखे फीचर्स त्याला आणखी सुरक्षित बनवतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.