Instagram : आजच्या डिजिटल युगात, सोशल मीडियावर सक्रिय राहणे आवश्यक आहे, विशेषत: इंस्टाग्रामसारख्या प्लॅटफॉर्मवर. सतत येणाऱ्या नवीन फीचर्स आणि अपडेट्समुळे कधीकधी तुमच्या पोस्ट्स सांभाळणे कठीण वाटू शकते. पण आता इंस्टाग्रामने एकाच वेळी अनेक पोस्ट डिलीट करण्याची किंवा आर्काइव्ह करण्याची सुविधा दिली आहे. (How to delete Instagram post )

अनेक पोस्ट एकाच वेळी डिलीट किंवा आर्काइव्ह करणे हे तुमच्यासाठी फायदेशीर आहे. तुम्ही कंटेंट क्रिएटर, इन्फ्लुएन्सर असो वा सामान्य वापरकर्ता, ही सुविधा तुमच्या प्रोफाइलमधून जुने पोस्ट काढून टाकण्यासाठी, तुमचे फीड अधिक प्रभावीपणे व्यवस्थित करण्यासाठी उपयुक्त आहे.

अनेक इंस्टाग्राम पोस्ट एकाच वेळी डिलीट किंवा आर्काइव्ह कसे करायचे?

(How to delete and archive Instagram post once)

1. तुमच्या फोनमध्ये असलेले इंस्टाग्राम अॅप उघडा.

2. स्क्रीनच्या खालच्या उजव्या कोपऱ्यातील आइकॉनवर टॅप करून तुमच्या प्रोफाइलवर जा.

3. मेन्यू उघडण्यासाठी वरच्या उजव्या कोपऱ्यातील तीन रेषा (☰) वर टॅप करा.

4. मेनूमधून "तुमचे क्रियाकलाप" (Your Activity) निवडा.

5. "फोटो आणि व्हिडिओज" (Photos and videos) हा दुसरा पर्याय निवडा.

6. तुमच्या सर्व पोस्ट पाहण्यासाठी "पोस्ट्स" (Posts) वर टॅप करा.

7. विशिष्ट पोस्ट शोधण्यासाठी "क्रम आणि फिल्टर करा" (Sort & filter) पर्याय वापरा.

8. वरच्या उजव्या कोपऱ्यातील "निवडा" (Select) वर क्लिक करा.

9. तुम्ही डिलीट करायच्या किंवा आर्काइव्ह करायच्या पोस्ट निवडा.

10. निवडल्यानंतर, तुमच्या गरजेनुसार आर्काइव्ह किंवा डिलीट करा.