X (Twitter) Account Delete Tips : X (पूर्वीचे Twitter) वरून काही काळ ब्रेक घेण्याचा विचार करत असाल किंवा पूर्णपणे अकाऊंट हटवण्याची इच्छा असेल, तर योग्य पद्धतींनी ही प्रक्रिया करावी. यामध्ये अकाऊंट तात्पुरते बंद करण्यासाठी ‘डिअॅक्टिव्हेट’ पर्याय उपलब्ध आहे, तसेच कायमस्वरूपी हटवण्यासाठी योग्य खबरदारी घ्यावी लागते.

अकाऊंट तात्पुरते डिअॅक्टिव्हेट करण्याची पद्धत

काही काळासाठी X अकाऊंट बंद करायचे असल्यास डिअॅक्टिव्हेशन हा चांगला पर्याय आहे. या प्रक्रियेसाठी तुमच्या डिव्हाईसवरून खालील सोप्या स्टेप्स फॉलो करा.

मोबाईलवरून: X अकाऊंटमध्ये प्रोफाइलमधून ‘Settings and Privacy’ निवडा. त्यानंतर ‘Account’ पर्याय निवडून ‘Deactivate your account’ पर्यायावर क्लिक करा. पासवर्ड टाकून पुष्टी करा.

डेस्कटॉपवरून: लॉगिन करा आणि ‘More’ पर्यायावर क्लिक करून ‘Settings and Privacy’ निवडा. ‘Deactivate your account’ वर क्लिक करा आणि पासवर्ड टाकून पुष्टी करा.

डिअॅक्टिव्हेशन नंतर ३० दिवसांचा अवधी

डिअॅक्टिव्ह केल्यानंतर तुमचे अकाऊंट ३० दिवसांच्या कालावधीत तात्पुरते निष्क्रिय राहील. या कालावधीत पुन्हा लॉगिन केल्यास अकाऊंट पुन्हा सक्रिय होते. परंतु ३० दिवसांनी आपोआप अकाऊंट कायमचे हटवले जाते, त्यामुळे निर्णय योग्यवेळी घ्या.

अकाऊंट पुन्हा सक्रिय करायचे असल्यास

तुमचे मन बदलले आणि अकाऊंट पुन्हा सक्रिय करायचे असल्यास, डिअॅक्टिव्हेशन कालावधीच्या ३० दिवसांच्या आत पुन्हा लॉगिन करा. त्यानंतर तुमचे अकाऊंट पूर्ववत होते. ही संधी ३० दिवसांपुरतीच मर्यादित असल्याने निर्णयाची खात्री करूनच डिअॅक्टिव्हेशन करा.

कायमचे डिलिट कसे कराल?

X अकाऊंट कायमचे हटवण्यासाठी योग्य तयारी आवश्यक आहे. एकदा अकाऊंट हटवले की त्यातील माहिती पुन्हा मिळवता येत नाही. त्यामुळे हटवण्यापूर्वी, जर महत्त्वाची माहिती असलेली असेल, तर तिची प्रत काढून ठेवा.