Hyundai Car Discount : भारतात ह्युंडाई या कंपनीच्या गाड्या बऱ्याच लोकप्रिय आहेत. तुम्हीदेखील नवीन गाडी घेण्याचा विचार करत असाल, तर ही बातमी तुमच्यासाठी आहे. ह्युंडाईने मे महिन्यात आपल्या बऱ्याच गाड्यांवर बंपर डिस्काउंट जाहीर केला आहे. यामध्ये i20, ग्रँड i10 निओस, व्हेन्यू आणि एक्स्टर या गाड्यांचा समावेश आहे. कोणत्या गाडीवर नेमका किती डिस्काउंट मिळतोय? जाणून घेऊया..
ह्युंडाई सर्वाधिक डिस्काउंट आपल्या Grand i10 Neos या कारवर देत आहे. यावर कॅश डिस्काउंट, कॉर्परेट डिस्काउंट आणि एक्स्चेंज बेनिफिट्स मिळून सुमारे 48 हजार रुपयांची सूट मिळत आहे. टाटा टियागो आणि मारुती स्विफ्टला ही हॅचबॅक कार टक्कर देते.
ह्युंडाईच्या i20 या कारवर सुमारे 45,000 रुपयांचा डिस्काउंट मिळत आहे. यामध्ये 10,000 रुपयांच्या एक्स्चेंज बोनसचा देखील समावेश आहे. तसंच काही प्रमाणात कॅश डिस्काउंट देखील दिला जात आहे.
ह्युंडाईची कॉम्पॅक्ट एसयूव्ही कार व्हेन्यू (Venue) ही मोठ्या प्रमाणात लोकप्रिय आहे. या कारवर सुमारे 35,000 रुपयांपर्यंत डिस्काउंट मिळत आहे. यातील 25,000 रुपये हा कॅश डिस्काउंट आहे; तर 10 हजार रुपये एक्स्चेंज बोनस आहे. यासोबतच Hyundai Exter कारवर देखील सुमारे 10,000 रुपये कॅश डिस्काउंट मिळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.