ISRO : मंगळ ग्रह हा आपल्या पृथ्वीपासून सुमारे 225 दशलक्ष किलोमीटर अंतरावर आहे. एवढा दूरचा प्रवास करणे अवघड असले, तरी 50% पेक्षा कमी यशस्वी दर असूनही आत्तापर्यंत जगातील अंतराळ संस्थांनी 50 पेक्षा जास्त अंतराळ मोहिमा मंगळावर पाठवल्या आहेत. एवढंच नव्हे तर भारताचे मंगळयान-1 या मोहिमेच्या यशस्वी प्रयोगानंतर आता इस्रो आणखी महत्वाकांक्षी आणि तंत्रज्ञानपुर्ण मोहिमेसाठी सज्ज झाले आहे.

मंगळयान-2 ही मोहिम फक्त निरीक्षणापुरती थांबणार नाही. भारताला एक आघाडीचा शोधक बनवण्यासाठी ही मोहिम महत्वपूर्ण भूमिका बजावणार आहे. या मोहिमेच्या माध्यमातून मंगळाच्या पृष्ठभागाचे नकाशे तयार करणे आणि मौल्यवान वैज्ञानिक माहिती गोळा करणे हा उद्देश आहे. भविष्यातील शोध मोहिमांसाठी हा मार्गदर्शक ठरेल.

मंगळयान-2 ची वैशिष्टपूर्ण बाबी म्हणजे हे नवीन तंत्रज्ञान. हे यान जुन्या पद्धतीने (एअरबॅग्स आणि रॅम्प) न उतरता एका अत्याधुनिक आकाश क्रेनच्या साहाय्याने मंगळावर उतरवले जाणार आहे. ही पद्धत मंगळाच्या आव्हानात्मक भूपृष्ठभागावर सुखरूप आणि अचूक लँडिंग सुनिश्चित करते. इतकेच नव्हे तर, अतिशय सुपरसॉनिक पॅराशूटचा वापर करून मंगळाच्या वातावरणात होणाऱ्या वेगवान उतरणाचा वेग कमी केला जाणार आहे.

या मोहिमेतील आणखी एक रोमांचक वैशिष्ट्य म्हणजे मंगळावरील अतिशय तनु वातावरणात उड्डाण करणारा हेलीकॉप्टर (MarBLE - Martian Boundary Layer Explorer). हे यशस्वी झाल्यास अमेरिकेच्या Ingenuity Mars Helicopter नंतर मंगळावर हेलीकॉप्टर उडविणारा भारत हा दुसरा देश ठरेल.

या मोहिमेच्या यशस्वीतेसाठी इस्रो मुख्य मोहिमेपूर्वी एक रिले संपर्क उपग्रह प्रक्षेपित करणार आहे. हा उपग्रह मंगळ आणि पृथ्वी यांच्यातील महत्वाचा दुवा म्हणून काम करेल. यामुळे मिशन कंट्रोल आणि रोवर-हेलीकॉप्टर यांच्याशी सतत संपर्क राखता येईल.

मंगळयान-2 हे भारतीयांसाठी अभिमानास्पद असून ते भारताला अंतरिक्ष शक्ती बनण्याच्या कक्षा विस्तारणार आहेत. ही मोहिम सगळ्यांच्या फायद्यासाठी अखंड वैज्ञानिक वृत्ती आणि अवकाशाचा शोध करण्याची भारताची जिज्ञासा जगासमोर आणते.