काही दिवसांपूर्वी जिओने आपली नवी एअर फायबर सेवा लाँच केली होती. वेगवान आणि वायरलेस इंटरनेट सेवा पुरवण्यासाठी जिओने नवीन डिव्हाईस लाँच केलं होतं. ही सेवा सुरुवातीला केवळ ठराविक शहरांमध्ये उपलब्ध होती. मात्र, आता देशातील 115 शहरांमध्ये Jio Air Fiber सेवा उपलब्ध करण्यात आली आहे.
सप्टेंबर महिन्यात कंपनीने नवीन Air Fiber डिव्हाईस लाँच केले होते. सुरुवातीला केवळ 8 शहरांमध्ये ही सेवा उपलब्ध होती. यामध्ये कंपनी जास्तीत जास्त 1.5 Gbps एवढ्या स्पीडने इंटरनेट देत आहे. कंपनीच्या अधिकृत वेबसाईटवर जाऊन किंवा कस्टमर केअरला कॉल करुन तुम्ही एअर फायबर बुक करू शकता.
तुमच्या शहरात एअर फायबर सुरू झालं आहे का हे तपासण्यासाठी तुम्हाला जिओच्या अधिकृत वेबसाईटवर जावं लागेल. यानंतर सर्च ऑप्शनमध्ये आपल्या शहराचं नाव एंटर करुन तुम्ही ही गोष्ट तपासू शकता. (Tech News)
जिओ कंपनीने एअर फायबरचे दोन प्लॅन्स लाँच केले आहेत. Air Fiber आणि Air Fiber MAX असे दोन प्लॅन्स उपलब्ध आहेत. कंपनीने सहा महिने आणि 12 महिने व्हॅलिडिटीसोबत हे दोन प्लॅन्स लाँच केले आहेत. सहा महिन्यांची व्हॅलिडिटी असणाऱ्या प्लॅनसोबत 1000 रुपये इन्स्टॉलेशन फी द्यावी लागणार आहे. 12 महिन्यांच्या प्लॅनवर इन्स्टॉलेशन मोफत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.