Kia Carens MPV Details: देशातील प्रमुख वाहन निर्माता कंपनी किआ मोटर्सने मोठी कामगिरी केली आहे. कंपनीची Carens ही एमपीव्ही वर्षातील सर्वोत्तम कार ठरली आहे. कारला 'इंडियन कार ऑफ द इअर' पुरस्कार मिळाला आहे. गेल्यावर्षी हा पुरस्कार महिंद्रा XUV700 ला मिळाला होता. तसेच, मर्सिडिज EQS ५८० 'प्रीमियम कार' ऑफ २०२३ आणि EV६ ही 'ग्रीन कार' ठरली आहे.
जबरदस्त लूकसह येते Kia Carens
Kia Carens मध्ये १६ इंच एलॉय व्हील्स, मध्यभागी पातळ लाइट स्ट्रिपसह रॅपराउंड एलईडी टेललॅम्प आणि ORVM वर इंटिग्रेटेड टर्न सिग्नल देण्यात आला आहे. याशिवाय नवीन बोनट स्ट्रक्चर, इंटीग्रेटेड LED डे-टाइम रनिंग लाइट्स (DRL), बंपरच्या खाली दिलेले सेंट्रल एअर इनटेक कारला खास बनवतात. कारचा व्हीलबेस २७८०mm, लांबी ४५४०mm, रुंदी १८००mm आणि १७००mm आहे.
Kia Carens मध्ये मिळेल पॉवरफुल इंजिन
Kia Carens मध्ये १.५ लीटर पेट्रोल, १.४ लीटर पेट्रोल आणि १.५ लीटर डिझेल इंजिनचा पर्याय मिळतो. पेट्रोल इंजिन ११५एचपी ते १४० एचपी पॉवर जनरेट तरते. तर डिझेल इंजिन ११५एचपी पॉवर जनरेट करते.
यामध्ये कनेक्टिव्हिटीसाठी १०.२५ इंच टचस्क्रीन इंफोटेनमेंट सिस्टम, डिजिटल इंस्ट्रूमेंट क्लस्टर, पुश-बटन स्टार्ट-स्टॉप, क्रूझ कंट्रोल, सनरूफ, व्हेंटिलेटेड फ्रंट सीट्स आमि ६४ रंगांची अँबिएंट लाइटिंग देण्यात आली आहे.
ग्लोबल NCAP क्रॅश टेस्टमध्ये या कारला ३ स्टार सेफ्टी रेटिंग मिळाले आहे. यामध्ये ६-एअरबॅग, पार्किंग कॅमेरा आणि सेंसर्स, इलेक्ट्रॉनिक स्टेबिलिटी कंट्रोल सारखे सेफ्टी फीचर्स मिळतील.
Kia Carens ची किंमत
भारतात Kia Carens च्या बेस प्रीमियम (पेट्रोल) मॉडेलची सुरुवाती किंमत १०.२ लाख रुपयांपासून सुरू होते. तर टॉप व्हेरिएंटची किंमत १८.८५ लाख रुपये आहे. कंपनीने या गाड्याच्या जवळपास ५० हजार यूनिट्सची विक्री केली आहे.
हेही वाचा: गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.