Pune : महिंद्रा अॅन्ड महिंद्रा कंपनीने सह्याद्री मोटर्स, शिव ऑटोविंग्ज, उन्नती मोटर डीलरशिप सोबत पुण्यात प्रथमच पहिल्याच दिवशी १२५ ‘एक्सयूव्ही ३ एक्सओ’ मोटारींचे वितरण केले.

जाजू बॅंक्वेट्स अॅन्ड लॉन्स येथे झालेल्या शानदार कार्यक्रमात या मोटारी ग्राहकांना वितरित करण्यात आल्या. यावेळी ग्राहकांची संख्या १५० पेक्षा अधिक होती. या कार्यक्रमाला महिंद्राचे अधिकारी उपस्थित होते.

पहिल्याच दिवशी १२५ मोटारीं ग्राहकांच्या ताब्यात देण्याच्या या कार्यक्रमानिमित्त ग्राहक तसेच लहान मुलांच्या मनोरंजनासाठी यावेळी खेळ, रंग भरण्याची स्पर्धा, ३६० अंशातील व्हिडिओ शूट अशा विविध उपक्रमांचे आयोजन करण्यात आले होते. यावेळी उपस्थित ग्राहकांनी आनंद व्यक्त केला आणि आपले मनोगत व्यक्त केले.

वैशिष्ट्ये

महिंद्राच्या म्हणण्यानुसार, यात पॅनोरॅमिक सनरूफ देण्यात आला आहे, जो आपल्या सेगमेंटमधील सर्वात मोठा आहे. इंटिरिअरमध्ये एक्सयूव्ही ४०० पासून प्रेरित नवीन डॅशबोर्ड डिझाइन दर्शविले गेले आहे, ज्यात २६. ०३ सेमी एचडी टचस्क्रीन इन्फोटेनमेंट सिस्टम आणि २६.०३ सेमी पूर्णपणे डिजिटल इंस्ट्रूमेंट क्लस्टर आहे. एएक्स सीरिजमध्ये अॅड्रेनोएक्स ऑपरेटिंग सिस्टिम देण्यात आली आहे.