Facebook Reels: फेसबुकने आपल्या यूझर्ससाठी Instagram सारखे नवीन फीचर आणले आहे. कंपनीने 150 हून अधिक देशांमध्ये लहान व्हिडिओ मेकिंग फीचर Reels आणले आहे. हे अॅप जगभरातील प्रसिद्ध TikTok ला जोरदार स्पर्धा देईल. फेसबुकवर यूझर्सना 60 सेकंदांचा छोटा व्हिडिओ बनवायचा आहे. यूझर्स इन्स्टाग्रामवर व्हिडिओ बनवून क्रॉस प्लॅटफॉर्म फेसबुकवरही शेअर करू शकतील.


'फेसबुक रील्सना (Facebook Reels) ग्लोबली लॉन्च करण्यात आले असल्याची माहिती मेटाने (Meta) दिली, ज्यामुळे कंटेंट क्रिएटर्सना कमाईचा एक नवीन मार्ग मिळेल. फेसबुकने एका ब्लॉग पोस्टद्वारे आपल्या यूझर्सना ही माहिती दिली आहे. 150 हून अधिक देशांमध्ये iOS आणि Android डिव्हाइसेससाठी Facebook Reels रोल आउट करत आहोत, जेणेकरून कंटेंट क्रिएटर्सना पैसे कमावण्यासाठी मोठी बाजारपेठ मिळेल असे मेटाने आपल्या ब्लॉगमध्ये म्हटले आहे. तसेच त्यात वेळोवेळी क्रिएशन टूल्स जोडली जात आहेत.

कमाईचा नवीन मार्ग
मार्क झुकरबर्गच्या म्हणण्यानुसार व्हिडिओ क्लिपिंग टूल तयार केले जात आहे. कंटेंट क्रिएटर्स लाइव्ह आणि लॉन्ग फॉर्म व्हिडिओ पब्लिश करु शकतील. याशिवाय फेसबुक आणि इंस्टाग्रामच्या रील्स फीचरद्वारे कंटेंट क्रिएटर्ससाठी कमाईचा एक नवीन मार्गही सुरू करण्यात आला आहे.

काय खास ?
रील्स फिचर्सना ग्लोबली रोल आऊट करण्यासोबतच बॅनर आणि स्टिकर्सवर पॉप अप होणार्‍या जाहिरातींद्वारे रेव्हेन्यू कमावण्याच्या मार्गाची चाचणी करत असल्याचे मेटाने सांगितले. ज्या युझर्सच्या रील्सवर 30 दिवसांत किमान 1000 व्ह्यूज असतील, त्यांना फेसबूक बोनस देणार आहे.