Router Hacking : सायबर क्राईम आणि हॅकिंग च्या घटना आपण ऐकतो पाहतो. पण जर तुमच्या घरात बसवलेला wifi राउटर हॅक झाला तर? लाखो घरांमध्ये बसवलेले वाय-फाय राउटर हॅकर्सच्या टार्गेटवर आहेत. इंडियन कॉम्प्युटर इमर्जन्सी रिस्पॉन्स टीम (CERT-In) ने तातडीने अलर्ट जारी करून सर्व नागरिकांना आपले वाय-फाय राउटर त्वरित अपडेट करण्याचे आवाहन केले आहे.
CERT-In चे म्हणणे आहे की, अनेक ब्रँडच्या वाय-फाय राउटर्समध्ये गंभीर त्रुटी आहेत ज्याचा फायदा घेऊन हॅकर्स सहजपणे तुमच्या राउटरमध्ये प्रवेश करू शकतात आणि तुमचा डेटा चोरू शकतात.
तुमच्या राउटरमध्ये प्रवेश करून तुमचा डेटा ऍक्सेस करू शकतात.
तुमचा इंटरनेट वापर मॉनिटर करू शकतात.
तुमच्या राउटरमध्ये बदल करून तुमचा इंटरनेट कनेक्शन बंद करू शकतात.
तुमच्या उपकरणांमध्ये malware इंस्टॉल करू शकतात.
तुमच्या पासवर्ड चोरून तुमच्या इतर ऑनलाइन खात्यांमध्ये प्रवेश करू शकतात.
CERT-In ने विशेषतः TP-Link राउटर्समध्ये आढळलेल्या गंभीर बगबद्दल चेतावणी दिली आहे. हे राउटर भारतात सर्वाधिक वापरले जातात. या बगचा फायदा घेऊन हॅकर्स तुमच्या राउटरवर सहजपणे लॉग इन करू शकतात आणि तुमच्या डेटावर नियंत्रण मिळवू शकतात.
तुमचे वाय-फाय राउटर त्वरित अपडेट करा: लॉग इन केल्यानंतर फर्मवेअर अपडेट उपलब्ध असल्यास ते इंस्टॉल करा.
डीफॉल्ट लॉगिन आयडी आणि पासवर्ड बदला: तुमचे राउटर सेट करताना मजबूत आणि अद्वितीय पासवर्ड वापरा.
रिमोट मॅनेजमेंट बंद करा: तुम्हाला रिमोट मॅनेजमेंटची गरज नसल्यास ती बंद करा.
सार्वजनिक वाय-फाय नेटवर्क वापरताना सावध रहा: अशा नेटवर्कवर संवेदनशील माहिती प्रवेश करणे टाळा.
अँटी-वायरस आणि फायरवॉल सॉफ्टवेअर वापरा: तुमच्या उपकरणांवर अद्ययावत अँटी-वायरस आणि फायरवॉल सॉफ्टवेअर इंस्टॉल करा.
सर्वात महत्वाची बाब म्हणजे तुमचा वाय-फाय राउटर तुमच्या घराच्या इंटरनेट सुरक्षेचा मुख्य आधार आहे. त्यामुळे वरील सूचनांचे पालन करून तुमचा डेटा आणि तुमची गोपनीयता सुरक्षित ठेवा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.