तुमच्याकडे जर गाडी असेल, तर तिची निगा राखणं तुमची जबाबदारीच आहे. तसंच, जेव्हा तुम्ही गाडी चालवण्यासाठी बाहेर पडाल, तेव्हा त्यापूर्वी गाडीची तपासणी करणं देखील गरजेचं आहे. विशेषतः पावसाळ्यात गाडी चालवताना समोर विविध प्रकारच्या अडचणी येऊ शकतात. त्यामुळे तुमची गाडी त्या अडचणींना तोंड देण्यासाठी तयार असणं गरजेचं आहे.
पावसाळ्यात गाडी चालवताना ओला रस्ता, कमी व्हिजिबिलिटी अशा अडचणी समोर येतात. तुमची गाडी जर अशा अडचणींना तोंड देण्यासाठी सज्ज असेल, तर तुमचा प्रवास अगदी आरामदायक आणि सुरक्षित होतो. याबाबतच आम्ही तुम्हाला काही टिप्स देणार आहोत.
टायर मेन्टेनन्स
पावसाळ्यात निसरड्या रस्त्यांमुळे टायर स्लिप होण्याचा धोका असतो. हा धोका टाळण्यासाठी तुमच्या गाडीचे टायर तपासून घेणं गरजेचं आहे. गरज भासल्यास टायर बदलून घेणंही फायद्याचं ठरेल.
विंडशील्ड वायपर
तुमच्या गाडीच्या समोरची काच जर वायपर वापरून देखील स्वच्छ होत नसेल, तर अशा वेळी अपघाताचा धोका वाढतो. त्यामुळे वेळीच त्याचे रबर बदलून घेणं गरजेचं आहे.
लाईट्स
पाऊस सुरू असताना तुम्हाला कदाचित समोरचं दिसत असेल, मात्र समोरून येणाऱ्या गाडीमधील व्यक्तीबाबत याची खात्री देता येत नाही. त्यामुळे तुमच्या गाडीची लाईट सुरू ठेवणं गरजेचं असतं. पावसाचं पाणी लाईटच्या हाऊसिंगमध्ये जाऊन लाईट खराब होण्याचीही शक्यता असते. त्यामुळे ब्रेक लाईट, हेडलाईट, टेल लाईट, टर्न इंडिटेकर अशा सर्व लाईट्स तपासून घेणं गरजेचं आहे.
ब्रेक
पावसात गाडी चालवताना जर तुमचे ब्रेक आवाज करत असतील, किंवा ब्रेक पॅडल अधिक टाईट किंवा लूज असेल; तर लवकरच ते तपासून घेणं गरजेचं आहे.
बॅटरी
पावसाचं पाणी बॅटरीत जाऊन ती खराब होण्याची शक्यता असते. शिवाय, बॅटरीला असलेल्या वायर लूज होण्याचाही धोका असतो. त्यामुळे, पावसात गाडी बाहेर काढण्यापूर्वी बॅटरी तपासून घेणं गरजेचं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.