अंतराळ क्षेत्रात सहकार्य वाढवण्यासाठी भारत आणि अमेरिका अनेक पावले उचलणार आहेत. नासाचे प्रशासक बिल नेल्सन यांनी सांगितले की, अमेरिकन अंतराळ संस्था इस्रोच्या एका अंतराळवीराला आंतरराष्ट्रीय अंतराळ केंद्रात राहण्यासाठी प्रशिक्षण देईल. क्रिटिकल अँड ॲडव्हान्स्ड टेक्नॉलॉजी (iCET) ला प्रोत्साहन देण्यासाठी भारत आणि अमेरिका एकत्र पुढे जातील. ते पुढे म्हणाले, गेल्या वर्षी आम्ही भारतात गेलो होतो. मानवतेच्या भल्यासाठी भारत आणि अमेरिका एकत्र काम करण्यास तयार आहेत.

आम्ही अंतराळ क्षेत्रात एकत्र काम करू आणि इस्रोच्या एका अंतराळवीराला ISS मध्ये जाण्यासाठी, तिथे राहण्यासाठी आणि परत येण्याचे प्रशिक्षण दिले जाईल. यामुळे भविष्यात अवकाश विज्ञानाला प्रगती होण्यास मदत होईल. सोशल मीडिया प्लॅटफॉर्म X वर त्यांनी याबाबतची माहिती सांगितली आहे. भारताचे सुरक्षा सल्लागार अजित डोवाल आणि त्यांचे समकक्ष जेक सुलिव्हन यांच्यातील बैठकीनंतर नेल्सन यांनी हे सांगितले. इस्रोच्या अंतराळवीरांना प्रगत प्रशिक्षण दिले जाईल, असे सुलिव्हन यांनी सोमवारी सांगितले होते.

बिल नेल्सन म्हणाले की, नासा आंतरराष्ट्रीय अंतराळ स्थानकात भारतीय अंतराळवीरांसोबत संयुक्त मोहिमेचे आयोजन करेल. दोन्ही NSA ने अंतराळ उड्डाण सहकार्य आणि धोरणात्मक विकासासाठी चर्चा केली. नासा आणि इस्रोच्या अंतराळवीरांचा हा पहिलाच संयुक्त प्रयत्न असणार आहे. या वर्षाच्या अखेरीस भारतीय अंतराळवीर ISS मध्ये जाण्याची शक्यता आहे. प्रशिक्षणासाठी इस्रो चार अंतराळवीरांची निवड करू शकते.

NASA आणि ISRO मिळून ISRO Synthetic Aperture Radar म्हणजेच NISAR लॉन्च करणार आहेत. हवामान बदलाचा सामना करण्यासाठी हे अभियान उपयुक्त ठरू शकते. ते दर 12 दिवसांनी दोनदा पृथ्वीचा नकाशा तयार करेल. जेक सुलिवन आणि NSS अजित डोवाल यांच्यातील संभाषणानंतर ही घोषणा करण्यात आली आहे. हा उपग्रह नासा आणि इस्रोने संयुक्तपणे तयार केला आहे.