'मेड बाय गुगल' हा गुगलचा वार्षिक इव्हेंट सध्या पार पडत आहे. यामध्ये गुगलने आपली नवीन, अपग्रेडेड 'पिक्सेल वॉच 2' ही स्मार्टवॉच लाँच केली. या स्मार्टवॉचमध्ये कित्येक नवीन एआय फीचर्स देण्यात आले आहेत. दैनंदिन वापरासाठी आणि एक फिटबिट म्हणून ही सगळ्यात बेस्ट स्मार्टवॉच असल्याचं गुगलने म्हटलं आहे.

नवीन पिक्सेल वॉचमध्ये गुगलने 31 बँड ऑप्शन्स दिले आहेत. नवीन स्मार्टवॉचचे बँड्स देखील पिक्सेल वॉच 1 प्रमाणेच आहेत. त्यामुळे यूजर्स आपले जुने बँड्स देखील नवीन पिक्सेल वॉचला वापरू शकणार आहेत.

या वॉचमध्ये नवीन एआय फीचर्स, नवीन वॉच फेसेस आणि नवीन हार्डवेअर देण्यात आलं आहे. पिक्सेल वॉच 2 चा बॅटरी बॅकअप देखील वाढवण्यात आला आहे. वॉच फेस ऑन ठेवल्यानंतर देखील ही स्मार्टवॉच 24 तासांचा बॅटरी बॅकअप देणार आहे.

गुगलच्या पिक्सेल वॉच 2 साठी प्री-बुकिंग सुरू करण्यात आलं आहे. 12 ऑक्टोबरपासून याचं शिपिंग सुरू होईल. Pixel Watch 2 च्या GPS व्हर्जनची किंमत 349 डॉलर्स एवढी असणार आहे. तर, LTE व्हर्जनची किंमत 399 डॉलर्स एवढी असणार आहे.