Independence Day 2024 : आज आपण 78 वा स्वातंत्र्य दिन साजरा करत आहोत पंतप्रधान नरेंद्र मोदी लाल किल्ल्यावरून राष्ट्राला संबोधित करत आहेत. पंतप्रधान मोदींचे स्वातंत्र्य दिनाचे भाषण ऐकण्यासाठी देशवासी एकत्रित जमा झाले आहेत.

राष्ट्राला संबोधित करताना पंतप्रधान मोदींनी भारताच्या गेमिंग उद्योग क्षेत्राबद्दल महत्त्वपूर्ण गोष्टी सांगितल्या. 'भारतीय गेमिंग उद्योगांनी जगावर राज्य करावे',असे ते म्हणाले. डिझाईन इंडिया आणि डिझाईन फॉर द वर्ल्ड हे भारताचे स्वप्न आहे आणि आपण ते नक्की पूर्ण करू अशी घोषणा त्यांनी केली.

गेमिंगच्या जगाचे खूप मोठे मार्केट उभे राहत आहे. परंतु आज देखील गेमिंगच्या जगावर विदेशी लोकांचा जास्त प्रभाव आहे. भारताजवळ खूप मोठा वारसा आहे. आपण गेमिंगच्या जगात नवीन टॅलेंट घेऊन येऊ शकतो. जगातील प्रत्येक मुलाला भारतातून बनवलेल्या गेमिंगकडे आकर्षित करण्याची क्षमता आपल्याकडे आहे. भारताच्या मुलांनी,युवांनी आणि IT प्रोफेशनलनी भारताच्या गेमिंगच्या क्षेत्राला लीड करावे,असेही ते म्हणाले.