Qatar Airways AI Air Hostess : आजकाल सर्व क्षेत्रांमध्ये आर्टिफिशिअल इंटेलिजन्सचा वापर होतो आहे. काही दिवसांपूर्वी एका शाळेमध्ये एआय शिक्षिका पहायला मिळाली होती. यातच आता कतार एअरवेजने चक्क एआय एअर होस्टेस सादर केली आहे. Sama 2.0 असं या एआय क्रूचं नाव आहे.

या आर्टिफिशिअल इंटेलिजन्स बेस्ड एअर होस्टेसचा डेमो कतार एअरवेजने (Qatar Airways) वेब समिट कतार या कार्यक्रमात दिला होता. त्यानंतर आता IBT बर्लिन 2024 याठिकाणी ही एअर होस्टेस सादर केली आहे. अर्थात, हे एआय खऱ्या एअर होस्टेसची जागा घेणार नसल्याचं कतार सरकारने स्पष्ट केलं आहे. हे केवळ एक एक्स्ट्रा फीचर म्हणून असेल. (Artificial Intelligence)

विमानातील प्रवाशांना प्रवासाचा अधिक चांगला अनुभव यावा यासाठी कतार एअरवेज आता एआयचा वापर करत आहे. यामुळे जगातील इतर एअरलाईन्स देखील अशा प्रकारचे फीचर्स लाँच करू शकतात, अशी शक्यता वर्तवण्यात येत आहे. (Ai-powered Air Hostess)

मिळाली खास ट्रेनिंग

Sama 2.0 या एआय एअर होस्टेसला Qatar Airways ने फ्लाइट अटेंडेंट म्हणून खास ट्रेनिंग दिली आहे. एवढंच नाही, तर मीडिया आणि प्रवाशांशी संवाद साधून देखील ही एआय आणखी गोष्टी शिकते आणि स्वतःमध्ये सुधारणा करते. या एआयचं अपडेटेड व्हर्जन हे प्रवाशांच्या प्रश्नांना रिअल-टाईम उत्तरं देऊ शकेल.