Realme new Smartphone Launched : रिअलमी कंपनीने स्मार्टफोन मार्केटमध्ये मोठा धमाका केला आहे. अवघ्या 15 हजारांच्या बजेटमध्ये रिअलमीने 50 मेगापिक्सल कॅमेरा, फास्ट चार्जिंग आणि एक प्रीमियम फीचर असणारा स्मार्टफोन लाँच केला आहे. Realme C67 असं या 5G स्मार्टफोनचं नाव आहे.
रिअलमीच्या या फोनमध्ये 6.72 इंच FHD+ डिस्प्ले देण्यात आला आहे. याचा रिफ्रेश रेट 120Hz आहे. याचा टच सॅम्पलिंग रेट 180Hz आहे. तर ब्राईटनेस 680 निट्स आहे. या फोनमध्ये 5,000 mAh बॅटरी आहे, जी 33W फास्ट चार्जिंगला सपोर्ट करते.
या फोनमध्ये MediaTek Dimensity 6100+ SoC चिपसेट देण्यात आली आहे. ग्राफिक्ससाठी यात Mali G57 MC2 GPU देण्यात आलं आहे. C67 मध्ये अँड्रॉईड 13 आधारित Realme UI 4.0 हा क्लीन यूआय देण्यात आला आहे. हा फोन Sunny Oasis आणि Dark Purple या दोन रंगांमध्ये लाँच करण्यात आलेला आहे.
विशेष म्हणजे, रिअलमीने या फोनमध्ये आयफोनच्या डायनॅमिक आयलँडसारखं दिसणारं मिनी कॅप्सुल हे फीचरही दिलं आहे. हे फीचर या फोनची खासियत आहे. हा स्मार्टफोन सगळ्यात स्लिम 5G फोन असल्याचा दावा कंपनीने केला आहे. सोबतच IP54 वॉटर रझिस्टंट टेक्नॉलॉजी असणारा देखील हा पहिलाच फोन असल्याचं Realme ने म्हटलं आहे.
या फोनमध्ये ड्युअल कॅमेरा सेटअप देण्यात आला आहे. यात 50MP क्षमतेचा मुख्य कॅमेरा आहे. यामध्ये एआय सपोर्ट मिळतो. सोबत 2MP पोर्ट्रेट कॅमेरा देण्यात आला आहे. सेल्फीसाठी पुढच्या बाजूला 8MP फ्रंट कॅमेरा आहे.
या फोनच्या बेस व्हेरियंटमध्ये 4GB रॅम आणि 128GB स्टोरेज मिळतं. तसंच, टॉप व्हेरियंटमध्ये 6GB रॅम आणि 128 GB स्टोरेज देण्यात आलं आहे. SD कार्डच्या सहाय्याने याचं स्टोरेज 2TB पर्यंत वाढवता येतं.
या फोनच्या बेस व्हेरियंटची किंमत 13,999 रुपये आहे, तर टॉप व्हेरियंटची किंमत 14,999 रुपये आहे. लाँच ऑफरमध्ये या फोनवर एक हजार रुपयांची सूट मिळत आहे. सोबतच ठराविक बँक कार्डवर अतिरिक्त 1,000 रुपयांची सूट मिळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.