Realme GT 7 Pro Fast Charging Mobile : मोबाईल आणि टेक्नॉलॉजीमध्ये एका नव्या सुपरफास्ट युगाची सुरुवात होण्याच्या मार्गावर आहे. आतापर्यंत आपण 80W, 120W आणि अगदी 210W पर्यंतच्या फास्ट चार्जिंगबद्दल ऐकले असेल. पण आता यापेक्षाही आश्चर्यकारक बातमी आहे. एका कंपनीने 300W फास्ट चार्जिंग तंत्रज्ञान विकसित केले आहे. यामुळे तुमचा फोन फक्त काही मिनिटांत पूर्ण चार्ज होऊ शकेल.

याबाबतची माहिती लीक झाली असून रियलमी या ब्रँडने हे तंत्रज्ञान विकसित केले आहे. असे म्हणतात की, रियलमी GT 7 Pro या फोनमध्ये हे तंत्रज्ञान वापरले जाऊ शकते. या फोनचे लॉन्च या वर्षाच्या अखेरीस होण्याची शक्यता आहे.

या फोनमध्ये 5000 mAh ची बॅटरी असू शकते जी फक्त पाच मिनिटांत पूर्ण चार्ज होईल. याशिवाय या फोनला IP69 रेटिंग मिळण्याची शक्यता आहे. याचा अर्थ असा की हा फोन पाण्यापासून आणि धुळीतही सुरक्षित राहील.

रियलमीसोबतच रेडमीनेही आपल्या रेडमी 12 डिस्कवरी एडिशनमध्ये 300W फास्ट चार्जिंग तंत्रज्ञान दाखवले आहे. या तंत्रज्ञानाने फक्त 5 मिनिटांत 4100 mAh ची बॅटरी पूर्णपणे चार्ज होते.

या तंत्रज्ञानामुळे मोबाईल फोनच्या चार्जिंगच्या संकल्पनेत एक क्रांतीच घडणार आहे. आता तुम्हाला फोन चार्ज होण्याची जास्त वेळ वाट पाहावी लागणार नाही.

मोबाईल वापरकर्त्यांसाठी ही खरोखरच एक जबरदस्त बातमी आहे. या तंत्रज्ञानाचा आपल्या दैनंदिन जीवनावर मोठा प्रभाव पडणार आहे. या मोबाईलच्या लॉंचची सर्वांना मोठी उत्सुकता आहे.