नवी दिल्ली, ता. ३ (पीटीआय) : कोरोना विषाणूचा उद्रेक त्यापाठोपाठ सीमेवर वाढलेला तणाव यामुळे चीनविरोधात देशभर असंतोष खदखदतो आहे. विविध ॲपच्या माध्यमातून भारताच्या डिजिटल विश्‍वावर हुकूमत गाजविणाऱ्या चीनला धडा शिकवण्यासाठी सेलिब्रेटींप्रमाणेच सर्वसामान्य भारतीयांनी देखील कंबर कसत चिनी ॲपवर बहिष्कार घालायला सुरवात केली होती. लोकप्रिय चिनी ॲप्सना शोधून ते डिलिट करण्यास मदत करणाऱ्या भारतीय बनावटीच्या ‘रिमुव्ह चायना ॲप’ या ॲपलाच गुगलने त्याच्या ॲप स्टोअरमधून बाहेरचा रस्ता दाखविला आहे.
चिनी अॅप्स रिमू्व्ह करणाऱ्या या भारतीय ॲपमुळे कंपनीच्या धोरणाचा भंग होत असल्याचा दावा गुगलच्या प्रवक्त्याने केला आहे. मागील महिन्यात ५० लाखांपेक्षाही अधिक लोकांनी हे ॲप डाउनलोड केले होते. या अॅपचा वापर करून युजर्सनी चिनी अॅप डिलीट केले आहेत. फोनमध्ये कोणतेच चायनिज अॅप्लिकेशन नसल्याचं नोटिफिकेशनही दिलं जात होतं.
थर्ड पार्टीने तयार केलेले ॲप हे डिलिट करण्याबाबत रिपोर्ट केल्यामुळे अॅप डिलिट केलं गेल्याची शक्यता आहे. एखाद्या ॲपबाबत दिशाभूल करणारी माहिती देणे हे गुगलच्या धोरणाविरोधात असल्याने त्यांनी हे ॲप डिलिट केले असावे असा संशय तंत्रज्ञानक्षेत्रातील जाणकारांनी व्यक्त केला आहे. गुगलकडून याबाबत अद्याप कोणती प्रतिक्रिया देण्यात आलेली नाही.
‘वन टच ॲप लॅब्ज’या कंपनीने हे ॲप तयार केले होते, तिनेही गुगलच्या कारवाईवर भाष्य करण्यास नकार दिला आहे. आमचे ॲप हे आता हटविण्यात आले असून युजर्संच्या पाठिंब्याबद्दल त्यांचे आभार असे या कंपनीने संकेतस्थळावरील निवेदनात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.