जीटीए, म्हणजेच ग्रँड थेफ्ट ऑटो या गेमचे जगभरात कोट्यवधी चाहते आहेत. तुम्ही जर 90s किड असाल, तर कदाचित तुमची पहिली कम्प्युटर गेम देखील GTA Vice City असू शकते. याच गेमचं पुढचं व्हर्जन GTA 6 बाबत Rockstar Games कंपनीने मोठी घोषणा केली आहे.

पुढील महिन्यात, म्हणजेच डिसेंबरमध्ये GTA 6 गेमचा ट्रेलर लाँच करणार असल्याची घोषणा कंपनीने केली आहे. पुढील वर्षी रॉकस्टार गेम्सला 25 वर्षे पूर्ण होत आहेत. यानिमित्ताने नव्या जीटीए गेमचा पहिला ट्रेलर लाँच करणार असल्याचं कंपनीने सांगितलं आहे.

GTA 5 गेम लाँच होऊन आता जवळपास एक दशक लोटलं आहे. 17 सप्टेंबर 2023 यादिवशी ही गेम लाँच करण्यात आली होती. तेव्हापासून गेमर्स या गेमच्या पुढच्या व्हर्जनची वाट पाहत होते. 2022 साली कंपनीने या गेमची डेव्हलपमेंट सुरू असल्याचं स्पष्ट केलं होतं. त्यानंतर गेमचं काही फुटेज लीक देखील झालं होतं. (Gaming News)

लीक्समध्ये मिळालेल्या माहितीनुसार, GTA 6 गेममध्ये दोन मुख्य पात्रं असणार आहेत. यातील एक पात्र पुरूष आणि एक महिला असणार आहे. हे खरं असल्यास, फीमेल लीड कॅरेक्टर देण्याची जीटीएची ही पहिलीच वेळ असणार आहे.