World Social Media Day 2024 : रोजच्या जीवनशैलीत सोशल मीडिया हा शब्द 100 पेक्षा अधिकवेळा कानावर पडतो. सोशल मीडियावर हे अन् सोशल मीडियावर ते. सकाळी उठल्यापासून ते झोपेपर्यंत आपण सगळेच सोशल मीडियावर अ‍ॅक्टिव्ह असतो. परंतु, कधी विचार केलाय का सोशल मीडियाचा देखील दिवस असतो. त्याला देखील इतिहास आहे. (social media day why is celebrated know here history)

आज जगभरात सोशल मीडिया दिवस साजरा करण्यात येत आहे. आज 30 जून हा सोशल मीडिया दिवस म्हणून साजरा केला जातो. तर यानिमित्ताने हा दिवस साजरा करण्यामागचा इतिहास नेमका आहे तरी काय? हे जाणून घेऊ.

नेमका इतिहास आहे तरी काय?

आजच्या दिवशीच म्हणजेच 30 जून 2010 रोजी सोशल मीडियाची सुरुवात झाली. या दिवशी Mashable ने सोशल मीडिया दिनाची सुरूवात केली अन् आज जगातील प्रत्येकजण सोशल मीडियाचा प्रभावीपणे वापर करत आहे.

पूर्वी सोशल मीडियाचा लोकांवर फारसा प्रभाव नव्हता. त्यामुळे सोशल मीडियाचा प्रभाव, जागतिक संवाद आणि त्याची भूमिका अधोरेखित करण्यासाठी जागतिक सोशल मीडिया डे साजरा करण्यास मॅशेबल या वेबसाईटने सुरुवात केली होती.

पहिले सोशल मीडिया प्लॅटफॉर्म कोणते?

पहिले सोशल मीडिया प्लॅटफॉर्मबद्दल बोलायचे झाल्यास सिक्सडिग्री हे जगभरात लाँच करण्यात आलेले पहिले सोशल मीडिया प्लॅटफॉर्म होते. जे 1997 मध्ये लाँच करण्यात आले होते. या प्लॅटफार्मची स्थापना अँड्र्यू वेनरिच यांनी केली होती. 2001 मध्ये, या सोशल मीडिया प्लॅटफार्मचे 1 दशलक्षाहून अधिक वापरकर्ते होते. ऐवढ्या मोठ्या प्रमाणात वापरकर्ते असताना देखील हे प्लॅटफार्म बंद करण्यात आले.