NASA : भारतीय वंशाची अमेरिकन अंतराळवीर सुनीता विल्यम्स ही Butch Wilmore यांच्यासोबत बॅाँइंगच्या स्टारलाइनर अंतराळयानाद्वारे अंतराळात जाणार आहेत. ही एक ऐतिहासिक घटना असणार आहे कारण ही पहिलीच अशी वेळ असेल ज्यावेळी बॅाँइंगच्या यानावरून अंतराळवीर अंतराळात प्रवास करतील.

SpaceX च्या ड्रॅगन यानानंतर आंतरराष्ट्रीय अंतराळ स्थानकावर (ISS) अंतराळवीरांना सुरक्षितपणे नेण्यासाठी नासाला दुसरा पर्याय उपलब्ध करून देण्यासाठी ही मोहीम आहे.

1 जून म्हणजे आजच रात्री 9:55 वाजता (IST) प्रक्षेपण होणार आहे. स्टारलाइनर हे अंतराळयान केप कॅनावेरल स्पेस फोर्स स्टेशनमधील स्पेस लॉन्च कॉम्प्लेक्स-41 वरून प्रक्षेपित होईल.

नासाच्या संकेतस्थळावर थेट प्रक्षेपण

या ऐतिहासिक क्षणाचे साक्षी व्हायचे असणाऱ्यांसाठी थेट प्रक्षेपणाची सोय उपलब्ध आहे. नासाच्या संकेतस्थळावर थेट प्रक्षेपणाचे प्रसारण केले जाणार आहे. याशिवाय, प्रक्षेपणाच्या वेळेत नासा थेट माहिती आणि विश्लेषण देणार आहे.

ही मोहीम नेमकी कशासाठी?

बॅाँइंगचे स्टारलाइनर हे अंतराळयान अंतराळवीरांना आंतरराष्ट्रीय अंतराळ स्थानकावर नेण्यासाठी आणि परत आणण्यासाठी डिझाइन केले आहे. हे नासाच्या कमर्शियल क्रू प्रोग्राममध्ये एक मोठे पाऊल आहे.

यापूर्वी या अंतराळयानाची अनेक चाचण्या केल्या गेल्या आहेत आणि आता या Crew Flight Test मोहिमेद्वारे अंतराळात मानवी जीवन आणि संशोधन यांना समर्थन देण्याची क्षमता स्टारलाइनर दाखवून देईल अशी अपेक्षा आहे.

Wilmore आणि Williams हे 28 मे रोजी फ्लोरिडा स्पेसपोर्टवर परत आल्यापासून Neil A. Armstrong Operations and Checkout Building येथे प्रीफ्लाइट क्वारंटाइनमध्ये आहेत. अनुभवी अंतराळ प्रवासी असलेले हे दोघे अंतराळवीर आंतरराष्ट्रीय अंतराळ स्थानकावर एक आठवड्याच्या मोहिमेवर निघणार आहेत.

या मोहिमेदरम्यान स्टारलाइनरची क्षमता आणि चालक दलासह उड्डाणांसाठीची तयारी यांची चाचणी केली जाणार आहे.

प्रक्षेपणाची तारीख जवळ आली असल्याने अंतराळाविषयी उत्सुक असलेले आणि सुनीता विल्यम्स यांचे चाहते या ऐतिहासिक क्षणाची आतुरतेने वाट पाहात आहेत.