Twitter : ट्विटरने आपल्या नव्या धोरणात बीबीसीला सरकारी पैशावर चालणारी मीडिया कंपनी म्हणून संबोधलं आहे. ट्विटरचे सीईओ एलोन मस्क यांनी ट्विट करून बीबीसीचा समाचार घेतला आहे.

वास्तविक पाहता ब्रिटिश ब्रॉडकास्टिंग कॉर्पोरेशनचा ट्विटरसोबत वाद आहे. ट्विटरने बीबीसीच्या व्हेरिफाईड ट्विटर अकाऊंटला 'सरकारी अनुदानित मीडिया' असं लेबल लावलंय. शिवाय बीबीसीला गोल्ड टिक ही दिलं आहे.

यावर बीबीसीने तीव्र आक्षेप नोंदवला आहे.

या मुद्द्यावर बीबीसीने म्हटलंय की, स्टेट एफिलिएटेड मीडिया अकाउंट असं आउटलेट आहे, जिथे स्टेट फायनेंशियल रिसोर्सेस डायरेक्ट किंवा इनडायरेक्टली पॉलिटिकल प्रेशर, प्रोडक्शन आणि डिस्ट्रिब्यूशनच्या माध्यमातून एडिटोरियल कंटेंट वर कंट्रोल ठेवतात.

त्यामुळे ट्विटरने ताबडतोब हे लेबल काढून टाकावं. कारण बीबीसी ही स्वतंत्र वृत्तसंस्था आहे. 21 व्या शतकाच्या सुरुवातीपासून ही एक लोकप्रिय वृत्तसेवा आहे. या समस्येवर लवकरात लवकर तोडगा काढण्यासाठी आम्ही ट्विटरच्या अधिकाऱ्यांशी बोलत असल्याचं देखील बीबीसीने आपल्या निवेदनात म्हटलंय.

मीडिया रिपोर्ट्सनुसार, बीबीसीने ट्विटर व्यवस्थापनावर नाराजी व्यक्त केली आहे. ट्विटरने सरकारी निधी मिळवणार्‍या खात्‍यांना असं गोल्ड टिक दिलेलं आहे. पण असं टिक किंवा लेबल कॅनडाच्या सीबीसी किंवा कतारच्या अल जझीरासारख्या स्टेट एफिलिएटेड मीडिया अकाऊंटवर दिसत नाही. बीबीसी न्यूजला ट्विटरवर 39.7 दशलक्ष फॉलोअर्स आहेत.