Aadhaar Update For Free : आपली ओळख म्हणून आणि सरकारी योजनांचा लाभ घेण्यासाठी आधार कार्ड हे अगदी महत्त्वाचं डॉक्युमेंट झालं आहे. आधार कार्डमध्ये तुमचा पर्सनल आणि बायोमॅट्रिक डेटा असतो. यात फोटो, रेटिनल स्कॅन अशा गोष्टींचा समावेश आहे. या गोष्टी दर दहा वर्षांनी अपडेट करून घेणं गरजेचं असतं. याव्यतिरिक्त पत्ता बदलल्यास, नाव बदलल्यास देखील आधार कार्ड अपडेट करावं लागतं. सध्या तुम्ही मोफत आपलं आधार कार्ड अपडेट करू शकता.

आधार कार्डमध्ये कोणताही बदल करायचा असल्यास त्यासाठी 50 रुपये शुल्क आकारले जाते. मात्र सध्या ही प्रक्रिया अगदी मोफत उपलब्ध आहे. युनिक आयडेंटिफिकेशन अथॉरिटी ऑफ इंडिया (UIDAI) ने काही महिन्यांपूर्वी ही प्रक्रिया मोफत उपलब्ध केली होती. याची मुदत आता आणखी वाढवण्यात आली आहे.

कधीपर्यंत वाढवली मुदत?

सरकारने दिलेल्या माहितीनुसार आता तुम्ही 14 जूनपर्यंत आपल्या आधार कार्डमधील डीटेल्स मोफत अपडेट करू शकता. यानंतर मात्र काहीही बदल करायचा असल्यास त्यासाठी तुम्हाला फी द्यावी लागेल.

कुणाला करावं लागणार अपडेट?

• दर दहा वर्षांनी आधार कार्ड अपडेट करणं गरजेचं आहे.

• हाच नियम ब्लू आधार कार्डला देखील लागू होतो.

• ज्या लोकांनी आधार कार्ड काढून किंवा अपडेट करून आता दहा वर्षे झाली आहेत त्यांनी ते पुन्हा अपडेट करणं अनिवार्य आहे.