WhatsApp Upcoming Features in 2022: इन्स्टंट मेसेजिंग अ‍ॅप WhatsApp आपल्या वापरकर्त्यांसाठी अनेक नवीन फिचर्सवर काम करत आहे. यामुळे युजरचा अनुभव आणखी चांगला होईल. जेव्हा जेव्हा कंपनी अधिकृतपणे एखादे वैशिष्ट्य लॉन्च करते, त्याआधी Android आणि iOS अ‍ॅप्सच्या बीटा आवृत्ती अंतर्गत चाचणी केली जाते. आज आम्ही तुम्हाला WhatsApp वरील आगामी फिचर्सची माहिती देत ​​आहोत, जी लवकरच लॉन्च होऊ शकतात.

संदेश एडिट करणे (Edit Message)-

WhatsApp एका नवीन वैशिष्ट्यावर काम करत आहे, यामुळे आपली मॅसेजची पद्धत बदलू शकते. या फिचर अंतर्गत तुम्ही पाठवलेला मेसेज एडिट करू शकता. WaBetaInfo नुसार, WhatsApp एका एडिट ऑप्शनची चाचणी करत आहे. त्यामुळे मेसेज डिलिव्हर झाल्यानंतर मेसेज एडिट करण्याची परवानगी मिळेल. याच्या मदतीने तुम्ही टायपोच्या चुका दुरुस्त करू शकता.

गायब होणारे संदेश जतन करता येणार (Save Disappearing Messages)-

युजर्सना डिस्पियरिंग मॅसेजवर सेट केलेले संदेश जतन करता येतील. व्हॉट्सअ‍ॅप कॉन्टॅक्ट इन्फो आणि ग्रुप इन्फोमध्ये एक नवीन सेक्शन जोडला जाईल. जे सर्व निनावी मेसेज सेव्ह करेल.

कॅप्शन व्ह्यू आणि स्टेटस ऑडियन्स सिलेक्टर (Caption View & Status Audience Selector)-

नवीन कॅप्शन व्ह्यू फिचर काही बीटा टेस्टर्ससाठी WhatsApp वर उपलब्ध करून देण्यात आले आहेत. त्याच वेळी, व्हॉट्सअॅपवर एक नवीन सेक्शन देखील जोडला गेला आहे, ज्याच्या अंतर्गत वापरकर्ते त्यांना त्यांचे स्टेटस कोणाला दाखवायचे आहे ते निवडू शकतात.

WhatsApp प्रीमियम (WhatsApp Premium)-

WhatsApp व्यावसायिक ग्राहकांसाठी 'WhatsApp प्रीमियम' सबस्क्रिप्शन योजना लाँच करू शकते. यामध्ये 10 डिव्हाइसेसपर्यंत लिंक करण्याचा पर्याय, कस्टम बिझनेस लिंक्स तयार करण्याची परवानगी आणि बरेच काही समाविष्ट असेल. वापरकर्ते या योजनेतून बाहेरही पडू शकतील.

शांतपणे गटांमधून बाहेर पडा (Exit Groups Silently)-

व्हॉट्सअ‍ॅपवर आणखी एक नवीन फिचर येऊ शकते. या फिचर अंतर्गत तुम्ही शांतपणे ग्रुप सोडू शकता. डेस्कटॉपवर, हे वैशिष्ट्य बीटा आवृत्ती 2.2218.1 मध्ये दिले जाऊ शकते. हे फिचर तुम्हाला इतर सहभागींना न कळवता ग्रुप सोडण्याची परवानगी देईल. जर एखाद्या व्यक्तीने या अंतर्गत ग्रुप सोडला तर त्याची माहिती फक्त अॅडमिनलाच कळेल.

अल्बमसाठी तपशीलवार प्रतिक्रिया माहिती (Detailed Reaction Info For Albums)-

व्हॉट्सअ‍ॅपच्या iOS बीटा व्हर्जनमध्ये आणखी एका फिचरची चाचणी केली जात आहे. तुमच्या ऑटोमॅटिक अल्बममधील फोटो किंवा व्हिडिओवर कोणी प्रतिक्रिया दिल्यास, तुम्ही त्याबद्दल जाणून घेऊ शकाल.