X Premium : एलॉन मस्कच्या X Platform वर (पूर्वीचे ट्विटर) आणखी एका मोफत फीचरवर तलवार फिरली आहे. आणखीन एक धक्कादायक निर्णय घेत लवकरच X वर फक्त प्रीमियम युजर्सच लाईव्ह स्ट्रीम करू शकणार आहेत अशी घोषणा केली आहे. याचा अर्थ असा आहे की, जर तुम्हाला तुमच्या फॉलोअर्ससोबत लाईव्ह स्ट्रीम करायची असेल तर तुम्हाला X चं प्रीमियम सबस्क्रिप्शन घ्यावं लागेल.

आत्तापर्यंत X वर विनामूल्य लाईव्ह स्ट्रीम करता येत होती. पण आता कंपनी फक्त पैसे देणाऱ्या युजर्सनाच ही सुविधा देणार आहे. या निर्णयामुळे X ही सोशल मीडियाची एकमेव अशी प्लॅटफॉर्म ठरेल जिथं लाईव्ह स्ट्रीम करण्यासाठी पैसे द्यावे लागतील. कारण, सध्या Instagram, YouTube आणि Facebook या सर्वच प्लॅटफॉर्म्सवर विनामूल्य लाईव्ह स्ट्रीम करता येते.

X ने नुकतंच एका पोस्टमध्ये म्हटलं आहे की, "लवकरच फक्त Premium सबस्क्रिप्शन घेतलेले यूजर्सच Live Stream करू शकतील. त्यात X सह integretion असलेल्या encoder द्वारे Live करणे देखील समाविष्ट आहे."

हे नवीन नियम लागू करण्याची तारीख अजून समोर आली नसली तरी X ची ही एकमेव सोशल मीडिया प्लॅटफॉर्म असेल जी Live Stream करण्यासाठी पैसे आकारेल. या निर्णयामुळे अनेक X यूजर्स नाराज होण्याची शक्यता आहे. कारण आतापर्यंत X वर कोणत्याही अडथळ्याशिवाय Live करता येत होते.

याआधी देखील एलॉन मस्क यांनी सांगितलं होतं की X नवीन यूजर्सना पोस्ट करण्यासाठी $1 ची वार्षिक फी आकारणार आहे. या फीमध्ये बुकमार्क करणे, उत्तर देणे किंवा पोस्ट Like करणे हे बेसिक फीचर्स देखील समाविष्ट असतील. त्यामुळे X वर आता फ्री मध्ये काहीच राहणार का? हा मोठा प्रश्न उपस्थित झाला आहे.