Kaas Plateau Flowering Season esakal
टूरिझम

Kaas Pathar : कास पठारावरील फुलांचा बहर ओसरला...; 'या' तारखेपासून Online Booking होणार बंद

सकाळ डिजिटल टीम

कुमुदिनी तलावामध्ये मात्र आजही पांढरी कुमुदिनीची फुले मोठ्या प्रमाणात बहरली आहेत. संपूर्ण तलाव पांढऱ्या शुभ्र कमळांनी बहरला आहे.

कास : महिनाभरापासून सुरू असलेला कासवरील (Kaas Plateau) फुलांचा बहर ओसरला असल्‍याने पठारावरील रंगोत्सवात फरक दिसू लागला आहे. पठारावरील बहुतांश फुलांनी यावर्षीसाठी निरोप घेतला असून, काही दुर्मिळ प्रजातींच्‍या फुलांसह मिकी माऊसची पिवळी छटा काही ठिकाणी पाहायला मिळत आहे.

यावर्षी पाच सप्टेंबरला हंगामाचा नारळ फुटला होता. महिनाभरात लाखो पर्यटकांनी (Tourists) कासला भेट देऊन फुलांच्या दुनियेचा आनंद घेतला. यावर्षी चांगला पाऊस, अधूनमधून पडणारे ऊन यामुळे फुलांचे गालिचे पठारावर पाहायला मिळाले. विशेषतः सात वर्षांतून एकदाच फुलणारी टोपली कारवी यावर्षी मोठ्या प्रमाणात फुलली होती. पठारावर निळे गालिचे मोठ्या प्रमाणात पाहायला मिळाले. गतवर्षी पठाराला असणारी लोखंडी कुंपण काढल्यापासून फुलांमध्येही वाढ झाली आहे. त्यामुळे बऱ्याच वर्षांनी पठारावर जुना बहर अनुभवावयास आला.

कुमुदिनी तलावामध्ये मात्र आजही पांढरी कुमुदिनीची फुले मोठ्या प्रमाणात बहरली आहेत. संपूर्ण तलाव पांढऱ्या शुभ्र कमळांनी बहरला आहे. त्यामुळे राजमार्गावर असलेल्या या तलावाकडे जाणाऱ्या रस्त्यावर लोकांच्या रांगाच रांगा पाहावयास मिळाल्या. घाटाई फाट्यावरील वाहनतळ तसेच कास तलावाच्या वरील बाजूचा वाहनतळ वाहनांनी भरून गेला होता. यावर्षी वाहतूक कोंडीची समस्या मोठ्या प्रमाणात जाणवली असून, यावर कायमस्वरूपी तोडगा काढण्याची गरज आहे. हंगामातील बहुदा हा शेवटचाच विकेंड असल्याने लोकांची मोठी गर्दी आज पाहायला मिळाली.

कास पठारावरील फुलांचा बहर कमी झाल्याने कास समितीमार्फत सुरू असलेले ऑनलाइन बुकिंग पंधरा ऑक्टोबरनंतर बंद करण्यात येणार आहे. थेट येणाऱ्या लोकांना प्रवेश देण्यात येईल. फुलांची परिस्थिती पाहून हंगाम समाप्‍तीचा निर्णय घेतला जाईल.

-दत्ता किर्दत, अध्यक्ष, कास पठार व्‍यवस्‍थापन समिती

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

General Coaches in Trains : मध्ये रेल्वे प्रवाशांना मोठा दिलासा! मेल-एक्स्प्रेसना जोडले जाणार दोन जनरल डबे

Mumbai Water Cut: मुंबईकरांनो १७ आणि १८ ऑक्टोबरला पाणी जपून वापरा; पालिकेकडून १०% पाणी कपात

Bomb Threats to Flights : विमानांच्या उड्डाणात धमक्यांचा अडथळा! गेल्या तीन दिवसांत बारा विमानांची उड्डाणे रद्द

Nanded Bye Poll: नांदेड लोकसभा पोटनिवडणुकीसाठी काँग्रेसकडून ‘या’ नावावर एकमत! पक्षाच्या स्क्रिनिंग कमिटीच्या बैठकीत काय झाली चर्चा?

Sports Bulletin 15th October 2024: ICC हॉल ऑफ फेमध्ये तीन दिग्गजांचा समावेश ते भारत-न्यूझीलंड कसोटीच्या वेळेत बदल

SCROLL FOR NEXT