Shravan 2024 : हिंदू धर्मामध्ये श्रावण महिन्याला विशेष महत्व आहे. भगवान शंकरांना प्रिय असलेला हा श्रावण महिना अनेक दृष्टींनी महत्वाचा आहे. या महिन्यात अनेक महत्वाचे सण साजरे केले जातात. याच महिन्यात महादेवांची आणि देवी पार्वतीची विशेष पूजा केली जाते. श्रावण हा महिना भगवान शंकरांना समर्पित आहे.
महाराष्ट्रात दक्षिण पंचांगानुसार ५ ऑगस्टला (सोमवारी) श्रावण सुरू होणार आहे. श्रावणात अनेक भाविक महादेवांच्या मंदिरांना भेट देताता. संपूर्ण देशात महादेवांची अनेक मंदिरे आहेत. त्यापैकी, महाराष्ट्रात देखील काही प्राचीन मंदिरे आहेत.
जर यंदाच्या श्रावणात तुम्ही महादेवांच्या मंदिरांना भेट देण्याचा विचार करत असाल तर आज आम्ही तुम्हाला महाराष्ट्रातील अशाच काही मंदिरांबद्दल सांगणार आहोत. चला तर मग जाणून घेऊयात या मंदिरांबद्दल.
देशभरात भगवान शंकरांची १२ ज्योतिर्लिंगे आहेत. त्यापैकी महाराष्ट्रात ५ ज्योतिर्लिंग आहेत. या ५ ज्योतिर्लिंगांपैकी एक असलेले भिमाशंकरचे मंदिर होय. हे भिमाशंकर ज्योतिर्लिंग पुणे जिल्ह्यातील खेड (राजगुरूनगर) तालुक्यात आहे.
हे भव्य मंदिर सह्याद्रीच्या पर्वतरांगांमध्ये स्थित असून, हे एक जागृत देवस्थान आहे. या मंदिराजवळून भीमा नदी वाहते. त्यामुळे, या मंदिराला भिमाशंकर असे नाव देण्यात आले. श्रावणात या मंदिराला अवश्य भेट द्या.
त्र्यंबकेश्वर हे बारा ज्योतिर्लिंगांपैकी एक असून ते महाराष्ट्रातील नाशिक जिल्ह्यातील त्र्यंबकमध्ये स्थित आहे. या ठिकाणावरूनच या मंदिराला त्र्यंबकेश्वर असे नाव देण्यात आले.
या ठिकाणी वर्षभर भक्तांची गर्दी पहायला मिळते. श्रावणात तुम्ही या त्र्यंबकेश्वर मंदिराला नक्कीच भेट देऊ शकता.
भगवान शंकरांच्या १२ ज्योतिर्लिंगांपैकी एक असलेले हे ज्योतिर्लिंग महाराष्ट्रातील हिंगोली जिल्ह्यातील औंढा नागनाथमध्ये स्थित आहे.
हे एक प्राचीन मंदिर असून ते औंढा नागनाथ मंदिर या नावानेच ओळखले जाते. हे प्राचीन मंदिर ७२०० स्क्वेअर फूट परिसरात पसरले असून, या मंदिरातील नक्षीकाम अप्रतिम आहे. श्रावणात या मंदिराला अवश्य भेट द्या.
यंदाच्या श्रावणात महाराष्ट्रातील या ज्योतिर्लिंगाला अवश्य भेट द्या. घृष्णेश्वराचे हे प्राचीन शिवमंदिर महाराष्ट्रातील औरंगाबाद जिल्ह्यात स्थित आहे.
वेरूळपासून अवघ्या दीड किलोमीटरवर असलेले हे घृष्णेश्वर मंदिर भारतातील प्राचीन आणि महत्वाचे धार्मिक स्थळ म्हणून ओळखले जाते. विशेष म्हणजे शिवपुराण, स्कंदपुराण आणि महाभारत या ग्रंथांमध्ये या मंदिराचा उल्लेख करण्यात आला आहे. श्रावणात या मंदिराला नक्की भेट द्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.