आपण पैशाने सर्वकाही घेऊ विकत घेऊ शकतो.पण, धकाधकीच्या कंटाळवाण्या आयुष्यात मानसिक समाधान शोधावे लागते. यामुळेच सलग सुट्टी आल्यावर लोक निसर्गाच्या जवळ जाण्याचा प्रयत्न करतात. सलग सुट्टी आल्यावर हिरवळ असलेल्या ठिकाणी पर्यटक गर्दी करताना दिसतात. तुम्हीही अशाच हिरव्यागार आणि निसर्गरम्य शहराच्या शोधात असाल तर ही बातमी तुमच्या कामाची आहे. आज जाणून घेऊयात भारतातील ग्रीनेस्ट शहरे कोणती आहेत.

भोपाल

शहर असूनही भोपाळ हिरवळीने भरलेले आहे. ३ डिसेंबर १९८४ मध्ये झालेल्या गॅस दुर्घटनेनंतर देखिल भोपाळने देशातील सर्वात हिरव्यागार शहरांमध्ये स्थान मिळवले आहे. पर्यावरणविषयक जागरूकता आणि नागरिकांनी शहर सुधारण्यासाठी केलेले प्रयत्न याचे परिणाम दिसून येतात.

चंदीगढ

चंदीगढ हे भारतातील सर्वात पद्धतशीर आणि आकर्षक शहरांपैकी एक आहे. चंदीगढ पायाभूत सुविधा आणि हिरवळ यांच्यात संतुलन निर्माण करताना दिसते. चंदीगड म्हणजे एक महाकाय वृक्षच आहे. गेल्या दोन वर्षांत इथले वनक्षेत्र 4 चौरस किमीने वाढले आहे.

हैदराबाद

हैदराबाद हे आंध्र प्रदेशमधील एक शहर असून त्याला मोत्यांचे शहरही म्हटले जाते. हैदराबादला सलग दुसऱ्या वर्षी 'ट्री सिटी ऑफ द वर्ल्ड' असे नाव दिले आहे. युनायटेड नेशन्सच्या आर्बर डे फाउंडेशन (एडीएफ) आणि अन्न व कृषी संघटनेने (एफएओ) ने हि घोषणा केली होती. शहरातील जंगलांची काळजी घेत शहराने ही कामगिरी केली आहे.

गांधीनगर

गुजरातची राजधानी गांधीनगर असून साबरमती नदीच्या काठावर वसलेली आहे. शहरीकरणाच्या मार्गात निसर्गाला दूर न ठेवणारे हे शहर देशातील सर्वात हिरवेगार शहर आहे. शहरात सुमारे ३२ लाख झाडे असून दीड लाख लोकसंख्या आहे. याचा अर्थ गांधीनगरमध्ये प्रति व्यक्ती च्या नावे २२ झाडे आहेत.

म्हैसूर

म्हैसूर हे कर्नाटकातील दुसऱ्या क्रमांकाचे सर्वाधिक लोकसंख्येचे शहर आहे, परंतु सर्वात हिरवेगार शहर आहे. भारतातील पहिले हिरवेगार आणि स्वच्छ शहर असल्याचे म्हटले जाते. हे शहर धबधबे, राजवाडे, बागिचे आणि मंदिरांसाठी ओळखले जाते. जंगलांना कुठेही धक्का न लागू देता शहराची निर्मीती करण्यात आली आहे.