पंतप्रधान नरेंद्र मोदी हे सध्या अमेरिका दौऱ्यावर आहेत. अमेरिकेतील ठिकठिकाणी त्यांचे जोराज स्वागत केले जाणार असून त्यांच्या आगमापूर्वी त्यांच्या स्वागतासाठी भारतीय वंशाच्या महिला तयारी करत आहेत. रिचमंड येथे या महिला नृत्याची तयारी करताना दिसत आहेत. त्यांच्या नृत्याच्या तालमीचा व्हिडिओ सध्या सोशल मीडियावर व्हायरल झाला आहे.

पंतप्रधान नरेंद्र मोदी हे अमेरिका दौऱ्यावर असतानाच 21 जून रोजी न्युयार्क येथील संयुक्त राष्ट्र संघाच्या मुख्यालयात आंतरराष्ट्रीय योग दिनाचे नेतृत्व करणार आहेत. या समारंभात संयुक्त राष्ट्र महासभेच्या (UNGA) अध्यक्षा साबा कोरोसीही सहभागी होणार आहेत. "पंतप्रधान नरेंद्र मोदी यांच्यासोबत 9व्या आंतरराष्ट्रीय योग दिनाच्या उत्सवात सहभागी होण्यासाठी मी उत्साहित आहे." असं अध्यक्षा साबा कोरोसी म्हणाल्या आहेत.

दरम्यान, पंतप्रधान मोदींचा अमेरिका दौरा न्यूयॉर्कमध्ये सुरू होईल, जिथे ते 21 जून रोजी न्यूयॉर्कमधील संयुक्त राष्ट्रांच्या मुख्यालयात आंतरराष्ट्रीय योग दिनाच्या समारंभाचे नेतृत्व करतील. त्यांच्या स्वागतासाठी भारतीय सांस्कृतीतील डान्स सादर केला जाणार असून त्याची जोरदार चर्चा सुरू आहे.