अनंत अंबानी आणि राधिका मर्चंट यांचा शाही विवाह सोहळा 12 जुलै रोजी पार पडला. या ग्रँड लग्नाची चर्चा जगभर रंगल्याचे पाहायला मिळालं. अनंत राधिकाच्या विवाह सोहळ्यात देश-विदेशातील अनेक दिग्गज व्यक्ती उपस्थित होत्या. या पाहुण्यांच्या जेवणासाठी विविध खाद्यपदार्थांची रेलचेल होती. यामध्ये मराठमोळ्या पदार्थांचाही समावेश होता. पण तुम्हाला माहितीय का हे जेवण कोणी बनवलं होतं. चला तर मग जाणून घेऊया.

अनंत आणि राधिकाच्या लग्नात देश-विदेशातील खास डिशेज ठेवण्यात आले होते. लग्नसोहळ्यात देशविदेशातील मिळून तब्बल असे 2500 शाकाहारी पदार्थ पाहुण्यांसाठी तयार करण्यात आले होते. या लग्नसोहळ्यात वेगवेगळ्या राज्यांचे स्टॉल लावण्यात आले होते. तसेच, या ग्रँड सोहळ्यात पाहुण्यांनी देशी काठीयावाडी पदार्थाचा देखील अस्वाद घेतला.

तर ही देशी काठीयावाडी ही डिश शेतकरी पुत्र निकुंज वसोया ने बनवली होती. निकुंज वसोया हे अंबानींच्या मुळ गावचे आहेत. वसोया हे जामनगर येथील खिजडीया गावातील आहेत. वयाच्या 15 व्या वर्षी त्यांनी स्वादिष्ट जेवण बनवण्यास सुरुवात केली.

फार्म किचन ते अंबानी वेडिंग शेफ पर्यंत

कुकिंग चॅनेल काढण्याच त्यांचं लहानपणीचं स्वप्न होतं. जे 2013 मध्ये पुर्ण झालं. आपली आवड जपण्यासाठी त्याने cs चे शिक्षण सोडलं आणि गावातूनच यु- ट्यूब चॅनेल सुरु केलं. या चॅनेलद्वारे तो गावाकडच्याच देशी रेसिपी नेटिझन्सपर्यंत पोहचवत राहिला.

सुरुवातीला त्याला कोणताही फायदा झाला नाही पण न डगमगता त्याने आपल्या पॅशनवर भर दिला आणि त्याची देसी स्टाईल सर्वांच्या पसंतीस पडू लागली. त्यानंतर तो यशाचा पायऱ्या चढू लागला. आता निकुंज चार फुड चॅनेल चावत आहे.

काही दिवसांपूर्वी निकुंजने एका वृत्तवाहिनीशी संवाद साधला. यावेळी, मी गरीब कुटुंबातील आहे, मला लहानपणापासूनच समजले होते की माणूस श्रीमंत असो किंवा गरीब, चांगले अन्न कोणालाही आनंदी करू शकते." अशी भावना त्यानं यावेळी व्यक्त केली.