कोरोना काळानंतर हृदयविकाराच्या झटक्याच्या प्रमाणात मोठी वाढ झाली असून २० ते ५० वयोगटातील अनेकांचे हृदय विकाराच्या झटक्याने मृत्यू झाले आहेत. तर हृदयाचे काहीच विकार नसतानासुद्धा असे प्रकार घडत असल्यामुळे चिंता व्यक्त केली जात आहे. सध्या असाच एक व्हिडिओ समोर आला आहे.

बॅडमिंटन खेळता खेळता एका खेळाडूला हृदयविकाराचा झटका येऊन मृत्यू झाल्याची माहिती समोर आली आहे. झटक्यानंतर त्याच्यावर लगेच उपचार करण्याचा प्रयत्न केला गेला पण त्यावर कोणताही परिणाम झाला नाही. त्यामुळे डॉक्टरांनी केलेले शर्थीचे प्रयत्न फोल ठरले आहेत. हा व्हिडिओ सोशल मीडियावर मोठ्या प्रमाणात व्हायरल झाला आहे.

दरम्यान, व्हायरल होत असलेल्या व्हिडिओमध्ये सात ते आठ डॉक्टरांची टीम सदर व्यक्तीच्या छातीवर दाब देऊन त्याला वाचवण्याचा प्रयत्न करताना दिसत आहे. हा व्हिडिओ सोशल मीडियावर चांगलाच व्हायरल झाला असून नेटकऱ्यांनी त्यावर आपल्या प्रतिक्रिया व्यक्त केल्या आहेत.