बंगळूरू : कर्नाटकात महाराष्ट्रातील पर्यटकाच्या कारनाम्याचा व्हिडिओ व्हायरल झाला आहे. एक पर्यटक झुलत्या केबल पुलावर गाडी घालताना या व्हिडिओत दिसत आहे. तर हा व्हिडिओ हरिष उपाध्या यांनी शेअर केला असून त्यावर अनेक प्रतिक्रिया येत आहेत. तर अनेकांनी हा व्हिडिओ शेअर केला आहे.

(Car on Cable Bridge Viral Video)

हेही वाचा : राष्ट्र तरेल कसे? धर्मकारणातून की धर्मनिरपेक्षतेतून?

व्हायरल होत असलेल्या या व्हिडिओमध्ये एक पर्यटक झुलत्या पुलावर गाडी घालताना दिसत आहे. तर स्थानिकांच्या विरोधानंतर गाडी परत नेण्यात आली आहे. सदर पर्यटक हे महाराष्ट्रातील असल्याचा दावा हरिश उपाध्या यांनी केला आहे. तर गुजरातमधील मोरबी पूल दुर्घटनेचा संदर्भ त्यांनी हा व्हिडिओ शेअर करताना दिला आहे.

दरम्यान, गुजरात येथील मोरबी येथे झालेल्या पूल दुर्घटनेत जवळपास १४२ जणांचा मृत्यू झाला आहे. त्याचबरोबर अनेकजण जखमी झाल्याची माहिती असून केंद्र सरकार आणि राज्य सरकारकडून जखमी आणि मृतांच्या नातेवाईकांना मदत जाहीर केली आहे. तर अशावेळी पर्यटकांनी काळजी घेणे गरजेचे आहे.