हैदराबाद : लोकसभा निवडणुकीचा फिवर आता चांगलाच चढायला लागला आहे. त्यात लग्न सोहळ्यांचा सीझनही सुरु आहे. त्यातच प्रचारासाठी राजकीय पक्षांकडून अनेक कृप्त्या लढवल्या जात आहेत. अशातच काही नागरिकही आहेत जे राजकीय पक्षांचे खंदे समर्थक आहेत स्वतः हून ते पक्षासाठी प्रचाराची धुरा सांभाळत आहेत.

अशाच एका अनोख्या प्रचाराची लग्न पत्रिका सध्या सोशल मीडियावर व्हायरल झाली आहे. यामध्ये चक्क मोदींसाठी मतदान करण्याचं आवाहन करण्यात आलं आहे. (dont bring gifts but vote for narendra modi wedding card going viral)

काय आहे 'या' लग्न पत्रिकेत?

तेलंगाणातील सांगारेड्डी जिल्ह्याचा रहिवासी असलेल्या नंदीकांती नरसिमलू यांच्या मुलाचं ४ एप्रिल रोजी लग्न पार पडणार आहे. या लग्नाची सध्या लगबग सुरु आहे. त्यासाठी लग्न पत्रिका छापण्यात आल्या असून त्याचं वाटप सुरु आहे. आपल्याकडं लग्नांमध्ये आहेर स्विकारले जाणार नाहीत अशा सूचना आपण अनेकदा वाचल्या असतील. (Latest Marathi News)

पण अशाच प्रकारची सूचना या लग्नपत्रिकेतही देण्यात आली आहे. पण यामध्ये त्यांनी पाहुण्यांना असं आवाहन केलंय की, 'लग्नाला आहेर आणण्याऐवजी आगामी लोकसभेच्या निवडणुकीत पंतप्रधान नरेंद्र मोदींना एक मत द्या'