Viral Dance Video : सोशल मीडियावर विविध विषयांवरील व्हिडिओ पाहण्यात येत असतात. यातील काही व्हिडिओ कायम स्मरणात राहणारे असतात. असाच कायम स्मरणात राहिल असा एक व्हिडिओ सध्या सोशल मीडियावर मोठ्या प्रमाणात व्हायरल होत आहे.

अलीकडच्या काळात सोशल मीडियावर डान्स व्हिडिओंचा ट्रेंड झपाट्याने वाढत आहे. असाच एक व्हिडिओ समोर आला असून, ज्याने सर्वांची मनं जिंकली आहेत. व्हायरल होणाऱ्या या व्हिडिओमध्ये एक वृद्ध व्यक्ती आपल्या पत्नीसमोर रोमँटिक स्टाईलमध्ये डान्स करताना दिसत आहे. आजोबांच्या गाण्यावर आजींनी दिलेल्या प्रतिक्रियेने नेटकऱ्यांचं मनं जिंकलं आहे.

आजोबांच्या डान्यने जिंकली नेटकऱ्यांची मनं

व्हायरल होत असलेला हा व्हिडिओ सोशल मीडियाच्या अनेक प्लॅटफॉर्मवर शेअर केला जात आहे. या व्हिडिओमध्ये एक वयस्कर व्यक्ती बीस्ट या दक्षिण भारतीय चित्रपटातील हलमिथी हबीबो या सुपरहिट गाण्यावर डान्स करताना दिसत आहे.

आजोबांचा डान्सने जरी नेटकऱ्यांची मनं जिंकली असली तरी, त्याहून अधिक भावणारी गोष्ट म्हणजे आजोबांचा डान्सवर आजींनी दिलेली रिअ‍ॅक्शनचीच चर्चा आहे. सध्या दक्षिण भारतीय चित्रपटातील सुपरस्टार थलपथी विजयच्या बीस्ट चित्रपटातील हलमिथी हबीबो हे गाणे सोशल मीडियावर सर्वांना डान्स करण्यास भाग पाडत आहे.