जर आपल्यासमोर एखादा बंदूकधारी नेम धरून उभा राहिला आणि आपल्याला आपल्याकडील मौल्यवान वस्तू देण्यास सांगितल्यावर आपण काय कराल? प्रत्येकाला आपल्या वस्तूंपेक्षा जीव महत्त्वाचा असतो. त्यामुळे अशा वेळी आपण सगळ्या वस्तू चोराला किंवा हल्लेखोराला देऊ आणि आपला जीव वाचवू शकतो. पण सध्या व्हायरल होत असलेला व्हिडिओ पाहून आपणही थक्क व्हाल.

एका हॉटेलवर बंदूकधाऱ्या व्यक्तीने हल्ला केला. त्याच्या हातात मोठी बंदूक होती. त्याने हल्ला केल्यानंतर हॉटेलमध्ये उपस्थित असलेल्या सर्वांनी आपले हात वर केले आणि टेबलाखाली लपून बसले. पण एक व्यक्ती तिथेच बसला आणि सिगारेट ओढू लागला. हल्लेखोरांनी त्याच्याजवळ येत त्याचा फोन हिसकावण्याचा प्रयत्न केला पण त्याने प्रतिकार केला आणि तसाच बसून राहिला.

दरम्यान, सगळे जण घाबरलेले असताना हा व्यक्ती एवढ्या हिंमतीने त्याच ठिकाणी बसून राहिलेला पाहून नेटकऱ्यांनी या व्यक्तीचं कौतुक केलं आहे. तर अनेकांनी या व्हिडिओवर कमेंट केल्या असून मोठ्या प्रमाणावर व्हिडिओ शेअर केला आहे. "आयुष्यात एवढा कॉन्फिडन्स हवा, यमदेव आला तरी माणूस घाबरेना" अशा प्रकारच्या प्रतिक्रिया नेटकऱ्यांनी केल्या आहेत.