लग्न झाल्यानंतर अनेक जोडप्यांचे विवाहबाह्य संबंध असतात. ते आपल्या जोडीदारापासून लपवून असे संबंध ठेवतात. पण सध्या एक आगळावेगळा प्रकार समोर आला आहे. एका जोडप्याची फेसबुकवर ओळख झाली, पुढे त्यांच्यामध्ये बोलणे सुरू झाले आणि नंतर या संवादाचे रूपांतर प्रेमात झाले.

त्यांचे एकमेकांवर प्रेम जडले आणि त्यांनी एकमेकांना भेटायचं ठरवलं. पुढे हे जोडपे एका हॉटेलमध्ये भेटण्यासाठी गेले. पण समोरासमोर भेटल्यावर दोघेही चक्रावले. कारण यावेळी त्यांच्या प्रेमाची पोलखोल झाली होती. ते एकमेकांचे पतीपत्नीच निघाले. एकमेकांना पाहून दोघेही थक्क झाले आणि त्यांचे भांडणे झाले.

दरम्यान, विशेष म्हणजे या जोडप्याने फेसबुकवर चॅटिंग करत असताना आपण अविवाहित असल्याचं सांगत एकमेकांना प्रेमाच्या जाळ्यात अडकवलं होतं. पण हॉटेलमध्ये भेटायला गेल्यावर दोघांचही पितळ उघडलं पडलं आणि दोघांनी तिथेच भांडायला सुरूवात केली. सदर पत्नीने पतीविरोधात तक्रार दाखल करणार असल्याचं सांगितलं आहे.