viral video eSakal
Trending News

Viral Video: तेरा साथ ना छोड़ेंगे! मृत्यूपूर्वी तीन मित्रांनी एकमेकांना मारली घट्ट मिठी; व्हिडिओ होतोय व्हायरल

कार्तिक पुजारी

नवी दिल्ली- काही मित्र असे असतात जे शेवटच्या श्वासापर्यंत साथ सोडत नाहीत. अशाच प्रकारचा एक व्हिडिओ सोशल मीडियावर पाहायला मिळत आहे. नदीमध्ये आलेल्या पुरापासून वाचण्यासाठी तीन मित्रांनी एकमेकांना घट्ट मिठी मारल्याचं दिसत आहे. तीन मित्र सोबत होते. त्यावेळी अचानक नदीचा प्रवाह वाढल्याने ते संकटात सापडले.

सदर घटना कॅमेऱ्यामध्ये कैद झाली आहे. रिपोर्टनुसार, इटलीमध्ये एका बेटावर असलेल्या नदीमध्ये हे तीन मित्र अडकले होते. त्यांनी एकमेकांना घट्ट पकडलं, जेणेकरून ते वाहून जाणार नाहीत. पण, प्रवाह वाढतच गेला अन् काही काळाने हे तिन्ही मित्र वाहून गेले. या तिघांचा मृत्यू झाला आहे. यातील दोघांचे मृतदेह सापडले असून अन्य एकाचा शोध सुरू आहे.

डेली मेलने यासंदर्भातील रिपोर्ट दिला आहे. २० वर्षांची पैट्रिजिया कॉर्मोस, २३ वर्षांची बियांसा डोरोस आणि २५ वर्षाचा बियांसा हिचा बॉयफ्रेंड क्रिस्टियन मोलनार या तिघांचा दुर्दैवी मृत्यू झाला आहे. मिळालेल्या माहितीनुसार, हे तिघे नदीच्या सेफ्टी झोनपासून काही मीटर आतमध्ये होते. जवळच असलेल्या कॅमेऱ्यामध्ये हा सर्व प्रकार कैद झालाय.

घटनास्थळापासून एक किलोमीटर अंतरावर कॉर्मोस आणि डोरोस यांचे मृतदेह सापडले आहेत, पण मोलनार याच्या मृतदेहाचा शोध सुरू आहे. बचावपथकाने सांगितलं की, जोपर्यंत मोलनारचा मृतदेह सापडत नाही, तोपर्यंत शोध सुरु ठेवला जाईल. स्थानिकांनी सांगितलं की, त्यांना वाचवण्यासाठी नदीमध्ये दोरी टाकण्यात आली होती. पण, पाहता पाहता ते वाहून गेले.

प्रेमरियाकोचे मेयर मिशल डी सबाटा यांनी मृत तरुणांबाबत सहानुभूती व्यक्त केली आहे. ते म्हणाले की, 'तिन्ही तरुणांना परिस्थितीची माहिती नव्हती. ते फिरण्यासाठी तेथे गेले होते. नदीच्या अचानक बदलणाऱ्या स्थितीबद्दल स्थानिकांना माहिती होती, पण, तरुणांना याची कल्पना नव्हती. ऊन पडलं होतं, त्यामुळे तिन्ही मुलं त्याठिकाणी गेले होते. पण, त्यांना कळण्याच्या आधीच सर्व घडलं.'

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Big Breaking: Navdeep Singh च्या रौप्यपदकाचे 'सुवर्ण'मध्ये रुपांतर झालं; भारतीय खेळाडूचं नशीब चमकलं, पण नेमकं असं काय घडलं?

Simran Sharma: अवघ्या १० मिनिटांत भारताला दोन पदकं; दृष्टिहीन सिमरनची २०० मीटर शर्यतीत सर्वोत्तम कामगिरीसह बाजी

Ravikant Tupkar Fasting : रविकांत तुपकरांचे अन्नत्याग आंदोलन स्थगित ; शेतकरी महिलेच्या हस्ते सोडले उपोषण

X Down: भारतासह जगभरात तासभर ट्विटर पडलं होतं बंद! नेटकऱ्यांचा संताप अन् पुन्हा झालं सुरु

Rashmika Mandana at Beed: रश्मिका मंदाना बीडमध्ये! धनंजय मुंडेंनी आयोजित केलेल्या गणेशोत्सवाच्या कार्यक्रमाला लावली हजेरी

SCROLL FOR NEXT