सोशल मीडियावर अनेक व्हिडिओ व्हायरल होत असतात त्यामध्ये जंगली प्राणी, विनोदी डान्स, लग्नातील विनोद, कार्यक्रम, लहान मुले, सीसीटीव्ही फुटेज, अपघात अशा व्हिडिओंचा सामावेश असतो. जंगलातील व्हिडिओ नेटकऱ्यांंच्या चांगल्याच पसंतीत उतरत असतात. सध्या बिबट्याचा आणि वानरांच्या झुंडीचा एक व्हिडिओ सोशल मीडियावर व्हायरल झाला आहे.

जंगलात वाघ, सिंह आणि बिबट्या हे प्राणी आपली दादागिरी गाजवत असतात. इतर प्राण्यांवर यांच्याकडून हल्ला होत असतो. व्हायरल झालेल्या व्हिडिओमध्ये एक बिबट्या भर रस्त्यावर वानरांच्या झुंडीतील एका वानरावर हल्ला करत आहे. या झुंडीमध्ये जवळपास ५० वानरे दिसत असून हल्ला झाल्यानंतर वानरांनी एकीचे बळ काय असते ते दाखवून दिलं आहे. वानरांच्या झुंडीने एकटा असलेल्या बिबट्यावर प्रतिहल्ला केला. हा प्रतिहल्ला पाहून बिबट्याला मैदान सोडावं लागलं आहे.

दरम्यान, वानरांनी जर यावेळी एकी दाखवली नसती तर बिबट्याने वानराची शिकार केली असती. यावरून एकीचे बळ असेल तर काय होऊ शकते याची प्रचिती आपल्याला येईल. सध्या हा व्हिडिओ सोशल मीडियावर चांगलाच व्हायरल झाला असून अनेकांनी यावर आपल्या प्रतिक्रिया व्यक्त केल्या आहेत.