अनेकदा आपण एखाद्या गंभीर घटनेतून बचावतो. हा क्षण आपल्यासाठी खूप महत्त्वाचा असतो. अपघातात रोज कित्येक जणांचा मृत्यू होत असतो. पण जे गंभीर अपघातातून वाचतात ते खरंच नशीबवान आहे असं आपण म्हणतो. सध्या असाच एक व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एक लहान मुलगा रस्ता ओलांडताना ट्रकखाली येतो आणि या गंभीर घटनेतून तो सुखरूप वाचतो. हा व्हिडिओ पाहून आपल्याला विश्वास बसणार नाही. पण या मुलाला कसलीच दुखापत झाली नाही. या ट्रकचा वेग पाहून आपणही थक्क व्हाल.

दरम्यान, हा व्हिडिओ ट्वीटरवर शेअर करण्यात आला असून अनेकांनी त्यावर आपल्या प्रतिक्रिया व्यक्त केल्या आहेत. "चीनमधील सर्वांत नशिबवान मुलगा आहे हा" अशा आशयाच्या कमेंट नेटकऱ्यांनी केल्या आहेत. हा व्हिडिओ अनेकांनी आपल्या सोशल मीडिया प्लॅटफॉर्मवरून शेअर केलाय.