लहान मुले निरागस असतात. त्यांचं मन शुद्ध आणि सुंदर असतं. प्रत्येक गोष्टीकडे बघण्याचा त्यांचा दृष्टीकोन निर्मळ असतो. त्यांना आपण एखादी गोष्ट सांगितली की, ती त्यांच्या डोक्यात फिट्ट बसते आणि ते त्याचं अनुकरण करू लागतात. सध्या असाच एका लहान चिमुकलीचा व्हिडिओ सोशल मीडियावर व्हायरल झाला आहे.

सदर चिमुकलीने आपल्या गोड शब्दांमध्ये आईला रामायणाची स्टोरी अवघ्या दीड मिनिटांमध्ये ऐकवली आहे. तिचा हा व्हिडिओ पाहून तुम्हीही प्रसन्न व्हाल. राम जी, सीता माता आणि हनुमान जी माझे मित्र आहेत आहेत असं ती तिच्या शेजारी असलेल्या तिघांच्या बाहुल्यांकडे पाहून बोलत आहे.

"राम जी आणि सिता माता वनवासाला जातात तेव्हा रावण सिता माताला उचलून घेऊन जातात. त्यानंतर राम जी हनुमानाला सिता माताला घेऊन येण्यासाठी मदत मागतात आणि हनुमान जी लंकेत जाऊन सिता मातेला घेऊन येतात, लंकेला आग लावतात" अशा गोड शब्दांत ती आपल्या आईला रामायण ऐकवत आहे.

दरम्यान, या चिमुकलीचा हा व्हिडिओ सोशल मीडियावर चांगलाच व्हायरल झाला आहे. अनेकांनी या व्हिडिओवर आपल्या प्रतिक्रिया व्यक्त केल्या आहेत. "रामायणाचं एवढं गोड वर्णन तुम्ही कुठं पाहिलं नसेल आणि ऐकलंही नसेल" असं कॅप्शन या व्हिडिओवर देण्यात आलं आहे. तर ट्वीटरवर शेअर केलेल्या या व्हिडिओला नेटकऱ्यांनी पसंती दर्शवली आहे.