भारतात जुगाड करणाऱ्यांची आणि टॅलेंट असणाऱ्यांची कमी नाही. जुगाड करणारे अनेक लोकं आपण आपल्या आयुष्यात पाहिले असतील. पण सध्या असाच एक व्हिडिओ सोशल मीडियावर व्हायरल झाला आहे. तो पाहून आपल्याला हसू आवरणार नाही. एका ऑटो रिक्षाचालकाने थेट मारूती सुझुकीच्या गाडीचे टफ रिक्षाला बसवलं आहे.

हा व्हिडिओ ट्वीटरवरील दीपक प्रभू या अकाउंटवरून शेअर करण्यात आला आहे. रस्त्यावरील रिक्षाला मारूतीच्या वॅगन-आर या गाडीचे मागच्या बाजूचे फायबर काढून लावल्यामुळे पाठीमागून बघताना ही गाडी चारचाकी असल्यासारखी दिसतं पण पुढे गेल्यावर हा रिक्षा असल्याचं आपल्याला जाणवतं. या जुगाडाचा व्हिडिओ सोशल मीडियावर चांगलाच व्हायरल झाला आहे.

दरम्यान, हा व्हिडिओ सध्या सोशल मीडियावर व्हायरल झाला असून नेटकऱ्यांनी या व्हिडिओला मोठ्या प्रमाणावर शेअर केलं आहे तर यावर आपल्या प्रतिक्रिया व्यक्त केल्या आहेत. नेटकऱ्यांकडून या व्हिडिओला चांगलाच प्रतिसाद मिळत आहे.

सोशल मीडिया हे सध्या मनोरंजनाचे साधन बनले असून यावर अनेक विनोदी, डान्स, सीसीटीव्ही, लग्न, युवक युवतीचे, जुगाडाचे व्हिडिओ व्हायरल होत असतात. काही व्हिडिओ मनोरंजन करतात तर काही व्हिडिओ आपल्याला मोठा धडा शिकवून जात असतात. व्हायरल होणारे व्हिडिओ पाहून किंवा इंस्टाग्रामवरील रील पाहून अनेकजणांचा दिवस आनंदात जातो.