आपल्या लेकराने त्याचे ध्येय पूर्ण करावेत, त्यांनी आपल्या आयुष्यात यशस्वी व्हावे अशी सर्व आईवडिलांची इच्छा असते. पण आई ज्या ठिकाणी काम किंवा नोकरी करते त्याच ठिकाणी आपला मुलगा किंवा मुलगी मोठ्या पदावर काम करत असेल तर यापेक्षा मोठा आनंद एका आईवडिलांसाठी दुसरा कोणता नाही. सध्या एका मायलेकींचा व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एकाच एअरलाईनमध्ये काम करणाऱ्या मायलेकी दिसत आहेत. त्या दोघीही एअर होस्टेस असून "मदर्स डे"च्या दिवशीचा व्हिडिओ पाहून आपल्याही डोळ्यात पाणी येईल. विशेष म्हणजे मदर्स डेच्या दिवशी फ्लाईटमध्ये या दोघी मायलेकी योगायोगाने उपस्थित होत्या. यावेळी लेकीने विमानात असलेल्या प्रवाशांना मदर्स डेच्या शुभेच्छा दिल्या आणि आपल्या आईला आपली प्रेरणा असल्याचं उद्घोषणा करत सांगितलं आहे.

"जमिनीपासून ते ध्येयापर्यंत साथ देणाऱ्या माझ्या आईला मदर्स डे च्या शुभेच्छा" अशी उद्घोषणा आईसमोर केल्यानंतर आईच्या डोळ्यात पाणी आले आणि तिने आपल्या लेकीला मायेने मिठी मारली. हे दृश्य पाहून उपस्थित असलेल्या प्रवाशांनी टाळ्या वाजवल्या आहेत.

या मायलेकींनी सर्वांची मने जिंकले आहेत. तर या व्हिडिओवर अनेकांनी आपले मतं मांडली आहेत. इंडिगोच्या अधिकृत ट्वीटर हँडलवरून हा व्हिडिओ शेअर करण्यात आला आहे.